Fylltur kjúklingur á ítalska vísu

 

200 g spínat

60 g hvítlaukssmjör

50 g smjör

½ dl rjómi

7 stk stórar kartöflur

4 stk kjúklingabringur

1 stk sítróna

basil (1 búnt)

Parmaskinka 4 góðar sneiðar

salt og pipar

 

Matreiðsla

Kjúklingabringurnar eru fylltar með hvítlaukssmjörinu og Parmaskinkunni. Brúnaðar á pönnu ca. 1 mín hvor hlið, síðan bakaðar í ofni í 10 mín við 180 gráður.

Spínatið er steikt á pönnu með smá smjöri, salti og pipar. Kartöflustappan er búin til úr soðnum kartöflunum, smjöri, rjóma, salti, pipar og basil eftir smekk. Gott er að kreista sítrónu yfir kjúklingin áður en hann er borinn fram.

 

Beikonvafðar kjúklingabringur

 

Beikonbréf

(Ekkert krydd)

Kjúklingabringur skornar langsum í ca. 3 bita. Beikoni vafið utan um, gott að tylla beikoninu með tannstöngli. Grillað á útigrillinu. Alveg hægt að steikja líka eða setja í eldfastmót inn í ofn.

Sósa

1 laukur

2 hvítlauksrif

Glassera þetta á pönnu.

2 dl tómatsósa

1 dl HP sósa

sojasósa

svartur pipar

2 msk Worchestersósa

ca. 2 dl appelsínusafi

1 msk edik.

Allt sett út á pönnuna (pottinn) og hrært saman.

Borið fram með hverju sem er.

BBQ kjúlli

 

2 kjúklingar í bitum

sósa:

2 dl Hunts grillsósa

1 dl sojasósa

1 dl aprikósumarmelaði

100 gr púðursykur

50 gr smjör

Þetta er allt saman brætt saman í potti. Kjúklingi raðað í eldfast mót og sósunni hellt yfir. Haft í ofni í 40 -60 mín. á ca. 200 gráðum.

Reyktar kalkúnabringur með Dolcelatte og Tagliatelle

Uppskrift fyrir fjóra til sex:

500 gr. ferskt tagliatelle, t.d. frá Rana
250 gr. Galbani Dolcelatte ostur, skorinn í ferninga
125 gr. reyktar kalkúnabringur, skornar í ferninga
600 ml. mjólk
40 gr. smjör
40 gr. hveiti
Salt og nýmalaður svartur pipar
Brauðmylsna
Fersk steinselja

Bræðið smjörið í pönnu, bætið hveitinu út í og steikið í 1 mín. Bætið mjólkinni smátt og smátt út í, látið sjóða og látið síðan malla í 2 mín., hrærið sífellt í þar til sósan er tilbúin (þykk og án kekkja). Setjið ostinn og kalkúnabringurnar út í og kryddið eftir smekk. Látið malla þar til kjötið er tilbúið. Á meðan sjóðið tagliatelle, hellið vatninu af og hellið út á pönnuna. Skreytið með brauðmylsnu og steinselju og berið fram strax.

Frábær árngur hjá stelpunum.

Frábær árangur í kvennaboltanum í kvöld unnu þær Írsku stelpurnar og með því eru þær komnar á EM.

Ættarmót

 

Niðjar Þorbjargar Jónsdóttur og Guðjóns Vigfússonar

Frá Raufarfelli A-Eyjafjallahreppi (Rangárþing Eystra)

 

Ágæta frændfólk.

 

Eftir mjög vel heppnað ættarmót á síðasta ári hefur verið ákveðið að hittast á Heimalandi næsta sumar,dagana 12.til 14.júní,2009.

 

Þá er ætlunin að eiga saman góða helgi og gera ýmislegt okur til skemmtunar.

Við mætum upp úr hádegi föstudeginum þann 12.júní komum okkur fyrir og höfum svo tækifæri til að borða saman súpu og brauð um kvöldið.

Endilega takið með ykkur fjölskyldumyndirnar og ef þær eru á tölvutæku formi verður hægt að sýna þær á staðnum með myndvarpa

 

Vinsamlega tilkynnið þátttöku með tölvupósti eða í síma þar sem fyrirhugað er að hafa sameiginlegan kvöldverð á laugardagskvöldinu ( verði verður stillt í hóf)

 

           Vonumst til að þið sjáið ykkur fært að koma sem flest.

 

                                          Með bestu kveðju.

 

Eyrún sími 660-9620 netfang: [e-mail] Móar Kjalarnesi 116. Reykjavík

Daði sími 553-7073 netfang: [e-mail] Kjalarlandi 24 108. Reykjavík

Palli sími 893-1560 netfang: [e-mail] Engjasel 13 109. Reykjavík

 

P.S. Vinsamlegast látið þetta berast innan fjölskyldu ykkar

Golfið er frábært.

Íri sem hafði verið strand á eyðieyju í meira en 10 ár lenti svo í því
einn daginn að hann sá eitthvað reka að landi rétt úti við
sjóndeildarhringinn. Hann hugsaði með sjálfum sér: "Þetta er örugglega
ekki skip." og eftir því sem fyrirbærið kom nær og nær þá byrjaði hann
að útiloka möguleikann á það þetta gæti verið lítill bátur eða fleki.
Skyndilega birtist vera klædd svörtum blautbúningi úr briminu. Þegar.
veran hafði lagt frá sér köfunargræurnar og tekið hettuna á
blautbúningnum niður sá hann að þetta var glæsilegasta ljóska sem hann
hafði á ævinni séð!

Glæsilega ljóska gekk upp að Íranum sem nú var alveg orðlaus og sagði
við hann: " Jæja, segðu mér, hversu langt er síðan þú fékkst þér
sígarettu?"
"Tíu ár," svaraði Írinn hissa. Og með það sama þá opnaði ljóskan
vatnsheldan vasa á vinstri erminni á blautbúningnum og náði í
skraufaþurran pakka af sígarettum. Hann fær sér eina, kveikir á henni
og tekur góðan smók. "Góður guð" sagði hann, "þetta er svo gott... ég
var næstum búinn að gleyma hvað það var gott að fá sér að reykja!" "Og
hvað er langt síðan þú fékkst þér gott írsk viskýtár?" Spurði
blondína. Titrandi svaraðið strandaglópurinn, "tíu ár".

Þegar hún heyrði það, þá teygði blondínan sig í hægri ermina og opnaði
vasa þar og dró upp flösku og rétti honum. Hann opnar flöskuna og fékk
sér gúlsopa. "Þvílíkar guðaveigar!" sagði hann. "Þetta er algjört
kraftaverk!!!"
Þegar hér var komið við sögu byrjaði glæsilega ljóskan að renna hægt
og rólega niður blautbúningnum... niður að mitti.

Hún leit titrandi á manninn og spurði, " og svo... hversu langt er
síðan þú hefur "leikið" þér aðeins???" Með tár í augunum, féll Írinn
niður á hné og snökti... "Jesús Kristur... ekki segja mér að þú sért
með golfkylfur þarna líka!"