Smá fræðsla

Iberico hráskinkan nú fáanleg sem heilt læri

 

Hin rómaða spænska hráskinka, Iberico sem hefur hingað til verið fáanleg niðursneidd frá El Pozo, er nú einnig fáanleg sem heilt læri. Hráskinkan, eins og aðrar hráskinkur og "affettati" (þ.e. skinkur og kryddpylsur) er enn safameiri, ilmríkari og bragðmeiri séu hún sneidd niður rétt áður en hún er borin fram, enda versla bæði Ítalir og Spánverjar flestir sitt "affettati", hráskinkur og kryddpylsur í kjötborðum þar sem þeir velja hvaða læri þeir vilja og láta sneiða fyrir sig af því  örþunnar sneiðar. Heil læri eru upplögð fyrir veitingahús, sem þannig getað boðið uppá nýskorna Ibericohráskinku eða Parmaskinku í forrétt, eins er hér á ferðinni tilvalin gjöf fyrir sælkera sem á allt. Lærið er selt ásamt tilheyrandi standi.  Sagt hefur verið að hver matargerðarlist eigi sína hetju og í tilfelli Spánar er það Iberico skinkan. Iberico skinkan er reykt hráskinka sem eingöngu er framleidd á Spáni  og í ramleiðsluna má eingöngu nota kjöt af hinu svarta Iberia svíni, sem einnig er kallað cedro nero. Ibericosvínin eru þau einu í heimi sem sækjast af eðlisávísun aðallega að eikartreshnetum (akarni) sem sem aðalfæði og eru þau umfram allt nærð á þeim. Samkvæmt löggiltum reglum Spánverja um vottaðan uppruna matvæla, má skinkan kallast Iberico ef svínin er a.m.k. að 75% hlutum af hinu upprunalega Iberico-kyni. Hin spænsku svörtu Iberica-svín lifa aðallega í Suð-vesturhluta Spánar, s.s. í héruðunum Salamanca, Ciudad Real, Cáceres, Badajoz, Sevilla, Córdoba og Huelva. Rétt eftir fæðingu eru Iberico-grísirnir aldir á byggi og maís í nokkrar vikur. Eftir það valsa svínin laus á beit í högum og eikartrjáalundum þar sem þau nærast á grasi, eikarhnetum, jurtum og rótum þar til sláturtíð nálgast, en þá eru þeim eingöngu gefnar eikarhnetur eða eikarhnetur í bland við annað fóður. Sú Iberico-skinka sem er í hæsta gæðaflokki er af svínum sem eingöngu hafa verið fóðruð á eikarhnetum fyrir slátrun. Þroska- og reykferli skinkunnar fer allt uppí 34 mánuði og tilbúin skinka getur enst allt upp undir 3 ár.

Athugasemdir

[Guðrún María Óskarsdóttir., 28.1.2008 kl. 00:49]

Takk fyrir þessa fræðslu.

Komdu sæll frændi, hún Steinka systir hennar Tobbu var amma mín.

Aldeilis skemmtilegt að finna frændur hér.

kv.gmaria.

[Halla Rut , 28.1.2008 kl. 09:33]

Góð menntun að vera kokkur og kjóliðnaðarmaður. Fer vel saman.

Hráskinka finnst mér hræðilega vond en manninum mínum finnst hún hinsvegar jafngóð og mér finnst hún vond.

Takk fyrir bloggvináttu. 

[Guðjón H Finnbogason, 28.1.2008 kl. 14:43]

Sælar.

Það er gaman að hitta frænku hérna,því miður þekki ég ekki frændfólkið nema það sem er kanski í þriðja lið en hef rosaleg gaman af ef það er hnipt svona í mig og látið vita af sér.Ég hafði altaf einhverjar sérstakar tyifinnngar til ömmu þinnar hún var sérstakur karagter og kom sér allsstaðar vel og pabbi þinn ekki síður ég hitti hann oft þegar ég var peyji undir fjöllunum. Það er mjög góð mentun að vera inn í matvælageiranum enda hef ég ekki gert mikið annað síðan 1963 en vera í tengslum við mat.Vonandi heiri ég meira frá ykkur.Kv.kokkurinn