S S í slæmum málum

Þetta kemur mér ekki á óvart,svona er þetta búið að vera lengi og svona er með mörg fyrirtæki og stofnanir. 

Gríðarleg óánægja er á meðal margra starfsmanna Sláturfélags Suðurlands en á síðustu dögum hafa sex starfsmenn sölu og markaðsdeildar, þar af þrír stjórnendur, sagt upp störfum hjá fyrirtækinu.

Þrír af þessum sex sögðu upp fyrr í dag. Heimildarmenn Vísis í fyrirtækinu segja að enn fleiri séu að íhuga stöðu sína og muni segja upp störfum á næstu dögum.

Forstjóri SS, Steinþór Skúlason, hefur boðað til starfsmannafundar vegna málsins klukkan 16 á morgun.

Samkvæmt heimildum Vísis komu uppsagnirnar í kjölfarið á langvarandi óánægju margra starfsmanna með stjórnunarstíl og aðferðir Steinþórs forstjóra SS. Sem dæmi um það má nefna hræðilega útkomu SS úr nýlegri könnun VR á viðhorfum starfsmanna um 130 fyrirtækja til stjórnenda sinna.

Heimildarmenn Vísis tala um forneskjulegan stjórnunarstíl, stöðuga afskiptasemi, og stefnuleysi í mannauðsmálum.

Einn óánægður starfsmaður SS sagði í samtali við Vísi í dag að litið væri á starfsfólk fyrirtækisins sem kostnað og tölur en ekki manneskjur.

Steinþóri Skúlasyni forstjóra var ekki kunnugt um óánægja á meðal starfsfólks SS þegar Vísir náði tali af honum í dag. Aðspurður um uppsagnir starfsfólks undanfarna daga svaraði Steinþór að tvær þeirra ættu sér eðlilegar skýringar. Hann sagðist hins vegar ekki hafa heyrt af neinum uppsögnum í dag. Þegar fréttamaður Vísis tjáði honum að þrír starfsmenn hefðu skilað inn uppsögnum í dag svaraði Steinþór: "Þá veist þú meira en ég"

 

Athugasemdir

[Hrönn Sigurðardóttir, 6.2.2008 kl. 18:11]

Undarlegt hvað mörg fyrirtæki klikka á þessu í dag. Flest þessi "stóru" fyrirtæki tala fjálglega um mannauð og hafa fallega fjölskyldustefnu. Auka mannrækt og hver veit hvað. En á borði er komið fram við fólk eins og það sé til nóg af mannskap. Það megi alltaf fá mann í manns stað. Vissulega er það rétt upp að vissu marki - ég held hins vegar að þessi sömu fyrirtæki gleymi því að það kostar líka að skipta ört um mannskap! 

[Guðjón H Finnbogason, 6.2.2008 kl. 18:18]

Fyrirtækjum er það til tekna að hafa góðan mannskap og stöðugan heldu enn að vera alltaf að kenna nýju fólki til verka.

[Hrönn Sigurðardóttir, 6.2.2008 kl. 19:39]

Já verst að þau átta sig ekki á því!

[Guðjón H Finnbogason, 6.2.2008 kl. 20:11]

Við sjáum hvernig er með fólk sem er orðið fimmtugt með mikkla reynslu það á ekki gott með að fá vinnu.

[Haraldur Haraldsson, 6.2.2008 kl. 22:09]

Þetta hefur ekkert að gera með merkið SS er það,svona smá dýok/Halli gamli

[Guðjón H Finnbogason, 6.2.2008 kl. 23:14]

Gott hjá þér Halli bæði merkin voru stórveldi

[Guðrún María Óskarsdóttir., 6.2.2008 kl. 23:49]

Hefði misst af þessu ef þú hefðir ekki bloggað um þetta Guðjón.

Ósköp er að heyra.

Hef nú alltaf taugar til míns gamla vinnuveitanda, en þarna var maður í 10 ár í söludeildinni í gamla daga á Skúlagötunni.

kv.gmaria.

[Guðjón H Finnbogason, 7.2.2008 kl. 01:05]

Ég lærði á Skúlagötunni og var líka hjá Jóa í Matardeildinni.Á hvaða árum varst þú hjá SS