Væri ekki betra að hafa það sem sannara er Berþór

Gæslan og gæðingarnir

Bergþór Gunnlaugsson

Bergþór Gunnlaugsson, yfirstýrimaður og afleysingarskipstjóri Hrafni GK 111 skrifar:

Ein mesta niðurlæging sem ég hef orðið fyrir á mínum sjómannsferli var þegar ég heyrði í fréttum, kvöldið 5.febrúar 2008 að þyrla landhelgisgæslunnar hafi verið send til að leita að hrossum austur í sveitum.

Það getur gengið að segja fólki á mölinni að hrossin hafi verið í sjálfheldu, en hvað þá að kalla út þyrlu þeim til bjargar. Það er greinilegt á þessum viðbrögðum LHG, með tilliti til þarfar fyrir þyrluaðstoð að hross eru tekin fram yfir sjómenn.!!

Þetta er náttúrulega svívirðileg framkoma við sjómenn og virðingarleysi við störf okkar til sjós.

Skipverji hér um borð á Hrafni GK 111, lenti í vinnuslysi þann 10. janúar sl. Maðurinn missti framan af litlafingri hægrihandar og stór skaddaði baugfingur sömu handar. Tók í sundur tvær sinar á vísifingri vinstri handar.

Haft var samband við vaktstöð siglinga og óskað eftir þyrlu til að koma manninum undir læknishendur. Því var synjað í tvígang að senda þyrlu á staðinn.

Við sigldum með manninn í 6 tíma til Fáskrúðsfjarðar. Við komu þangað leit læknir á áverka mannsins, hann er keyrður beint upp á Hérað í sjúkraflug til Akureyrar. Aðgerð á hinum slasaða lauk 14 tímum eftir slysið.

Við sjómenn erum mjög oft að lenda í því að okkur er synjað um þyrlu. Hef ég í það minnsta tvö dæmi um slíkt.

Í fyrravor slasaðist maður um borð í frystiskipi sem var statt á úthafskarfamiðum SV af landinu. Maðurinn klemmdist og missti fingur. Beiðni um þyrlu var synjað og þeim sagt að sigla með hinn slasaða í land.

Nú tæpu ári seinna er þessi maður ekki enn kominn til vinnu sökum þessa slyss. Hann hlaut svo heiftarlega sýkingu í sárið. Að mati lækna þá leið svo langur tími frá slysinu þar til hann komst undir læknishendur að því fór sem fór.

Maður slasaðist um borð á ísfisktogara SV af landinu á svokölluðum Melsekk. Hann hlaut höfuðáverka. Það blæddi úr öllum vitum mannsins.
Þeim var synjað um þyrlu. Þeir sigldu í land. Maðurinn var höfuðkúpubrotinn.

Fyrir nokkrum árum fór fram þjóðarátak til að kaupa stærri þyrlu sem stæðist kröfur til að bjarga áhafnarfjölda meðal fiskiskips. Sjómenn lögðu mikið af mörkum til að þessi árangur næðist. Það var síðan annað átak til að kaupa nætursjónauka til að auðvelda björgun í myrkri.

Ég stóð alltaf í þeirri meiningu að þyrlan væri okkar sjúkrabíll til sjós, sem væri hægt að leita til ef slys eða veikindi kæmu upp.

Að hafa þyrlu væri ákveðin trygging og öryggi fyrir okkur sem störfum svo langt frá allri þjónustu og erum lengi að komast í land ef eitthvað hendir.
Það er mín skoðun að þetta er falskt öryggi þegar á reynir og því virðist á öllu að betra sé að vera gæðingur í dag en sjómaður !!

Fyrir vikið, eins og staðan er í dag þá er betra að hafa enga þyrlu og vita það hreinlega að maður verði þá bara að duga eða drepast ef eitthvað hendir.

Svo er eitt athygli vert. Hagsmunasamtök sjómanna virðist vera nákvæmlega sama um stöðu umbjóðanda sinna með tómlæti hvað þetta varðar.

Spurningar mínar eru:
Hvað mörgum útköllum til sjómanna hafi verið synjað og forsendur synjunar?

Einnig kannað hvert einasta flug þyrlana, tilgang þeirra og hverjir óski eftir aðstoðinni?

Hér með óska ég eftir opinberri úttekt á starfsháttum LHG varðandi sjúkraflug.

Var þyrlan ekki á æfingu?

Var það ekki læknasérfræðingur sem lagði það til að það skildi ekki senda þyrlu á staðinn það væri verra fyrir sjúklinginn.

Athugasemdir

[Hallgrímur Guðmundsson, 7.2.2008 kl. 00:08]

Samkvæmt mínum upplýsingum liggur það nokkuð ljóst fyrir að læknar vilja nánast undartekningarlaus ná í slasaða menn, hvort heldur sjómenn sem aðra. Í þessu tiltekna máli var aldrei rætt við flugstjórann sem var á vakt og hann látinn meta aðstæður það er alveg klárt. Hver stoppaði eða hvað stoppað þetta flug? Það er spurning sem vert er að fá svar við. Er fjársvelti gæslunnar að hafa áhrif eða hvað?

[Guðjón H Finnbogason, 7.2.2008 kl. 00:55]

Mér skilst að það hafi verið læknasérfræðingurinn sem tók ákvörðunina vegna þess að flugið tæki langan tíma og það færi betur um sjúklinginn um borð í skipinu,en það á eftir að koma það rétta í þessu mái.

[Jóna Kolbrún Garðarsdóttir, 7.2.2008 kl. 01:07]

Greinilega röng forgangsröð   Að taka hross framyfir sjómenn

[Guðrún Jóna Gunnarsdóttir, 7.2.2008 kl. 01:11]

Heyrði eimitt glefsur úr viðtali við einhvern forsvarsmanninni í Reykjavík síðdegis. Sá fullyrti að kostnaður væri ekki sú forsenda sem forgangsraðaði útköllin. Læknar ku forgangsraða og á ég erfitt með að trúa að þeir vilji ..salta" hjafn alvarleg tilfelli eins og þú lýsir hér að ofan. Einhver ræður för, það er alveg á hreinu. Spurningin er hins vegar sú, hver er ábyrgur?

Þetta er hrikalegt

[Hrafnhildur Ýr Vilbertsdóttir, 7.2.2008 kl. 01:37]

Ég einmitt hugsaði það sama þegar ég sá fréttina.....veit hins vegar ekki hvernig stendur á því að það virðist ekki vera neitt mál að sækja hrossin en ekki sjómennina.....

[Ólína Kjerúlf Þorvarðardóttir, 7.2.2008 kl. 10:04]

Sæll Bergþór - þessar athugasemdir þínar eiga erindi í fleiri fjölmiðla finnst mér. Það þarf að taka þetta til umræðu.

[Georg Eiður Arnarson, 7.2.2008 kl. 10:35]

Sammála Ólínu, þetta þarf að fara lengra . kv .

[Hrannar Baldursson, 7.2.2008 kl. 10:56]

Þarna virðist um alvarlegt réttlætismál að ræða. Auðvitað eiga sjómenn að fá þyrlu meti þeir aðstæður þannig að hún sé nauðsynleg. Það þurfa að koma fram mjög góðar ástæður til að hægt sé að hafna slíkri beiðni, enda reiknar maður með að menn biðji um þyrlu aðeins þegar slys eru það alvarleg.

Þetta með hestana er náttúrulega hreinn brandari, að farið sé hestum til bjargar þegar ekki er farið í allar ferðir fyrir fólk, hljómar vissulega undarlega. 

Er það ekki réttur sjómanna að fá þyrlu til að sækja slasaða þegar þörf er á?

Getur verið að ferlið við mat á þessari þörf sé ekki alveg í lagi? 

[Ingó (IP-tala skráð) 7.2.2008 kl. 14:07]

Var þyrlan á æfingu? Ef ég hefði ruðst inn í banka með lambhúshettu og víkingasveitin hefði verið á æfingu,hvað þá ? Hefðu þeir bara haldið sinni æfingu áfram? Klára að teygja strákar og svo er kannski smá verkefni á eftir.

[Guðbjörn Jónsson, 7.2.2008 kl. 15:54]

Ég velti fyrir mér einu í þessu sambandi.  Eins og þarna kemur fram, og oft hefur komið fram áður, er það ekki Landhelgisgæslan sem tekur ákvarðanir um hvort þyrla skuli send eftir sjúkling. Það eru læklnar sem það gera og ef ég man rétt þá eru þeir sem þessa ákvörðun taka á slysadeild Borgarspítalans.

Í ljósi þessa er ég hissa á þeirri reiði sem beinist að Landhelgisgæslunni en hvorki reiði né krafa um skýringar beinist að þeim sem ákvörðunina tóku, og eiga að taka slíka ákvörðun.

Menn sigla auðveldlega upp á sker ef þeir skamma kokkinn fyrir að stefnunni sé ekki breytt, þó kokkurinn hafi alls ekki komið upp í brú og eigi aldrei að taka ákvarðanir um stefnu skipsins. Það hefur ævinlega verið afar nauðsynlegt til sjós að hugsa skýrt. Þess þurfti líka þegar ég lenti í sjóslysi árið 1970.

Hriðstið upp í kollinum á ykkur.... 

[Guðjón H Finnbogason, 7.2.2008 kl. 19:42]

Þetta er bara góð umræða sem á rétt á sér en við verðum að hafa hlutina rétta,þyrlusveitin var á æfingu og smalaði hestunum í leiðinni,læknir hefur yfirleitt síðasta orðið í að senda þyrlu á vetfang,en þyrlan var keypt fyrir sjómenn var það ekki.

[Helgi Þór Gunnarsson, 8.2.2008 kl. 02:13]

Sæll Guðjón, ég man þá tíð að þeir komu og sigu niður í skip út á rúmsjó í æfingaskyni,útaf hverju er það ekki hægt lengur? Manni finnst virðingarleysið vera oft allgjört því miður! Kær kveðja frá Eyjum.

[Guðjón H Finnbogason, 8.2.2008 kl. 10:52]

Ég er sammála þér Helgi það er eitthvað sem þeir eiga að geta haldið áfram með.Svo líka er stofnunin orðin stór í sniðum og verkefnum fjölgar mikið.

[Halldór (IP-tala skráð) 8.2.2008 kl. 23:40]

Við skulum hafa eitt á hreinu en það er þegar slys verður um borð í skipi er það skipstjórnarmanns að hlúa að þeim slasaða og búa svo um að hann fái alla þá aðstöð og hjálp sem á þarf að halda. Ok maður missir fingur og skaddar þann næsta. Þeim á Hrafni hefði alveg verið í lófa lagið að krefjast þess að þyrlan kæmi og sækti þann slasaða teldu þeir þess þörfþ Því það er alltaf skiðstjórnarmaður sem tekur þá ákvörðun ALLTAF. Alveg sama þótt e-h læknir í landi segi e-h annað. Man eftir því hér um árið þegar ég þurfti að tala við lækni út af svipuðu máli þar sem einn áhafnarmeðlimur hafði slasast nokkuð iila. Töldu við að þyrla þyrfti að koma og var slíkt óðsótt mál. En málið var líka það að við vorum staddir úti fyrir A- landi og aðeins tveir tímar í land og var ákveðið í samvinnu við lækni að við skyldum leggja af stað í land með þann slasaða og þyrlan yrði til taks. Við komust í land með þann slasaða og hann náði sé að mestu. Ég er hissa á honum Bessa vini mínum að hafa ekki hreinlega krafist þess að þyrlan kæmi og sækti þann slasaða heldur en að básúna þetta eftir á. Því það jú alltaf við sjálfir sem þurfum að taka ákvarðanir ekki e-h pappakassar í landi, því þeir hafa ekki vit á þeim aðstæðum sem sjómennskan býr uppá.

[Guðjón H Finnbogason, 9.2.2008 kl. 13:47]

Hver ert þú Halldór.

[Halldór (IP-tala skráð) 9.2.2008 kl. 14:44]

Sæll Guðjón, ég er Halldór bróðir hans Helga Þórs sumsé frændi þinn búsettur á Spáni. Kveðja úr sólinni

[Guðjón H Finnbogason, 9.2.2008 kl. 15:44]

Hvar ert þú á Spáni ég er að fara til Spánar að spila golf á Campamor þetta er eflaust ekki rétt skrifað Toreveja.

[Halldór (IP-tala skráð) 9.2.2008 kl. 15:54]

Þá ertu að koma hér rétt hjá mér. Ég bý á La Marina sem er rétt norðan við Torrevieja. Ofboðslega fínir golfvellir hér á svæðinu og þú átt ábyggilega eftir að skemmta þér mjög vel.

[Guðjón H Finnbogason, 9.2.2008 kl. 16:14]

Það er gaman að þessu.Ég spilaði á Alacante í hittið fyrra og fannst það mjög gaman ég valdi nú bara þennan eina völl núna ég á eftir að koma þarna mikið oftar.Við verðum saman fjögur enn ég er sá eini sem spila golf og svo er hinn karlmaðurinn hlaupari,hann er Vestmannaeyringur Baldur og er frá Kirkjudal.