Chile klykkar ekki.

Chile

Sérstaða Chile í vínheiminum er sú að phylloxera lúsin hefur enn ekki komið þangað. Chile skiptist niður í 6 megin vínræktarsvæði:

• Aconcagua Valley
  Þar er jarðvegurinn blanda af leirsandi og leir og Aconcagua áin sér svæðinu fyrir nægu vatni. Hitinn er venjulega hærri en í Maipo. Þar er einnig mjög mikil birta, en að meðaltali eru þar 270 skýlausir dagar á ári. Þrúgan Cabernet Sauvignon er aðallega ræktuð og þá af einum framleiðanda sem er á svæðinu.
  
• Casablanca Valley
  Er hjarta hvítvínsframleiðslu Chile, 80% af víngörðunum eru plantaðir með Chardonnay. Sjávarloftslag er ráðandi hér, kaldar golur sem kæla niður sumarhitann og hjálpa til við að lengja ræktunartímann. Jarðvegurinn er sá sami og í Aconcagua Valley.
  
• Maipo Valley
  Maipo svæðið er mjög auðugt svæði. Fyrr á öldum þótti það fínt hjá eigendum koparnáma að sýna auð sinn með víngörðum. Frumkvöðullinn að vínframleiðslu í Maipo Valley var Don Silvestre Ochagavia Echazarreta, hann flutti inn vínvið frá Frakklandi 1851, rétt áður en phylloxeran skall á í Evrópu. Jarðvegurinn er frekar grýttur og saltríkur í nágrenni við Maipo ánna en verður sendnari þegar fjær dregur. Cabernet Sauvignon er aðal þrúgan og er mjög mismunandi eftir því hvaðan úr dalnum hún kemur.
  
• Rapel Valley
  Þar er aðallega er framleitt rauðvín og þá úr Merlot og Cabernet Sauvignon. Jarðvegurinn er mjög auðugur af leir, nokkuð sem passar Merlot mjög vel.
  
• Curico Valley
  Þaðan koma flest útflutnings vín Chile og ein bestu Merlot og Cabernet Sauvignon vín Chile. Einnig er mikið framleitt af mjög góðu Chardonnay og Sauvignon Blanc.
  
• Maule Valley
  Er stærsta vínræktarsvæði Chile. Þar eru aðallega framleidd hvítvín. En að öðru leyti er héraðið eitt af þeim minnst þekktu í Chile.

Athugasemdir

[Guðmundur St. Valdimarsson, 9.2.2008 kl. 21:25]

Það væri kanski hægt að panta nokkur sýnishorn heim með Pappírs Pésa, þegar þar að kemur.

[Guðjón H Finnbogason, 9.2.2008 kl. 21:40]

Já það ætti að vera hægt bara að það kosti ekki mikið mér skilst að vatn sé orðinn munaður um borð.

[Steinunn Þórisdóttir, 9.2.2008 kl. 23:45]

Skemmtilegur fróðleikur Guðjón, takk fyrir. Var einmitt að skola helgarsteikinni niður með Chile rauðvíni, MOLINA Cabernet Sauvignon, mjög gott.

[Jóna Kolbrún Garðarsdóttir, 10.2.2008 kl. 04:03]

Skemmtileg lesning

[Hrafnhildur Ýr Vilbertsdóttir, 10.2.2008 kl. 05:36]

Nú ætti litli bróðir minn að verða glaður....hefur verið búsettur í Chile síðastliðin 8 ár.....og fullyrðir að bestu vínin komi þaðan

[Hrönn Sigurðardóttir, 10.2.2008 kl. 11:25]

Vín frá Chile eru, já ég held ég megi segja undantekningalaust, mjög góð.

Takk fyrir fróðleik. 

[Guðjón H Finnbogason, 10.2.2008 kl. 12:38]

Gaman að velta svona upp á rei tímum