Ekkert vesen

Bruschetta með graskeri, beikon og geitaosti

handa fjórum
4 sneiðar ítalskt brauð (með þykkri skorpu)
300 g graskerskjöt
100 g hálfþroskaður geitaostur (ruo cabra frá Millán Vincente í Surtido Gourmet ostabakka)
100 g beikon
1 hvítlauksgeiri
2 rósmárínstönglar
3 msk ólífuolía
salt og pipar

 

Hitið hvítlauksgeirann og rósmarínstönglana í olíunni í 3 mín. Bætið þá graskerinu (skornu í sneiðar) út á pönnu, saltið og piprið og steikið í ca. 5 mín við vægan hita. Hellið þar næst hálfri ausu af vatni út á pönnu og látið malla í ca. 10 mín. Takið pönnu af hellu. Ristið brauðið í ofni í 5 mín. Raðið svo graskerssneiðunum á brauðsneiðarnar og þar ofan á beikonsneiðum (skerið þær e.t.v. í tvennt). Dreyfið dálitlu af fersku rósmaríni yfir sneiðarnar og 2-3 geitaostklípum. Piprið og hitið í 3 mín. á grilli í ofni. Skoðaðu molann Bruschettur og glas af víni

 

Athugasemdir

[Guðrún Jóna Gunnarsdóttir, 11.2.2008 kl. 23:38]

Frábærar uppskriftir, hver á fætur annarri. Þú mátt alls ekki hætta núna, ég er oðrin ,,hooked"

[Hrafnhildur Ýr Vilbertsdóttir, 11.2.2008 kl. 23:47]

Takk fyrir...kíki hér inn þegar mig langar í eitthvað gott....

[Guðjón H Finnbogason, 12.2.2008 kl. 00:10]

Það er gaman að þessu.

[Guðjón H Finnbogason, 12.2.2008 kl. 17:49]

Ræðum það síðar.