Fljótlegt

Grísir í stíu

20 til 24 stk.:

20 - 24 kokkteilpylsur
1 þeytt egg til penslunar

Deig:
450 gr. hveiti
100 gr. smjörlíki
50 gr. ger
2 1/2 dl. vatn
1 tsk. sykur
1 tsk. salt

 

Bræðið smjörlíkið og hellið í skál. Hrærið vatni og geri saman við og bætið síðan salti, sykri og hveiti út í og hnoðið vel saman. Mótið þykka pylsu úr deiginu. Skerið það síðan í 20 til 24 bita og fletjið hvern bita með kökukefli þar til hann er orðin nógu langur til að hægt sé að rúlla kokkteilpylsu upp í hann. Rúllið pylsunum upp í deigbútana. Leggið pylsurnar á plötu með bökunarpappír; látið samskeytin vísa niður. Breiðið viskustykki yfir og látið deigið lyfta sér í hálftíma.

Forhitið ofninn í 200°C. Penslið deigið með egginu og bakið í ca. 15 mín. í miðjum ofninum. Berið fram með tómatsósu og sinnepi.

Hægt er að útbúa pylsurnar fyrirfram og baka í ofni eða á grilli þegar hentar.

Athugasemdir

[Guðborg Eyjólfsdóttir, 22.2.2008 kl. 05:35]

Er hægt að útbúa þetta fyrirfram og frysta. Er að fara halda upp á 40 ára afmæli í mai og er að hugsa um að hafa allskyns svona smárétti þá er sniðugt ef maður getur búið þá til þónokkuð áður :) Takk fyrir frábæra ´siðu

[Guðjón H Finnbogason, 23.2.2008 kl. 00:55]

Það er hægt að vinna mikið fyrir framm.