Silungur

Grillaður silungur með sítrónu og timian

Fyrir 4

Innihald:

2  msk  ferskur sítrónusafi 
1  msk  ólifuolía 
1  msk  saxað timian 
8  stk  silungarflök (lítil) 
1/2  tsk  salt eða eftir þörfum 
1/2   tsk  nýmulin svartur pipar eða eftir þörfum 

Aðferð:

1  Setjið sítrónusafan, olíuna og timian í skál, hrærið marineringuna vel saman.

2  Setjið silunginn í marineringuna og hyljið silungin vel með   marineringunni. Kryddið með salt og pipar og látið silungin liggja í marineringunni þangað til það er búið að udirbúa grillið ca. 10-15 mín.

3  Setjið silunginn á grillið, roðhliðina fyrst og grillið þangað til roðið er orðið stökkt eða u.þ.b 4-6 mín. á hvorri hlið, penslið restina af marineringunni á silunginn á meðan grillað er.

4  Gott er að gefa með þessu sítrónubáta og létt steikt grænmeti..

Athugasemdir

[Ester Sveinbjarnardóttir, 1.3.2008 kl. 22:33]

Hæ frændi
Þetta er spennandi uppskrift.  Það er málið að skafa vel af roðinu þegar fiskurinn er þveginn, er það ekki.

[Hólmdís Hjartardóttir, 1.3.2008 kl. 23:03]

Þetta sama gerir móðir mín við ýsu með góðum árangri. Gaman að lesa uppskriftirnar þínar. Takk fyrir þær.

[Guðjón H Finnbogason, 2.3.2008 kl. 00:26]

Það er rétt hjá þér frænka,það eru fáar fisktegundir sem ég elda með roði.

[Jóna (IP-tala skráð) 2.3.2008 kl. 11:19]

Já það er nú bara nauðsyn að elda silunginn með roði sko. En já mikið er þetta orðinn stór brunnur af frábærum uppskriftum hér og langar mig að fá að setja þig inn sem áhugaverða síðu hjá mér ef ég má???

Kveðja úr sveitinni. Jóna

[Guðjón H Finnbogason, 2.3.2008 kl. 13:56]

Í hvaða sveit er Jóna?

[Jóna (IP-tala skráð) 2.3.2008 kl. 17:00]

Ég er á Ströndum - Bæjarhreppi.

Kveðja Jóna.

[Guðjón H Finnbogason, 2.3.2008 kl. 19:41]

Strandirnar eru fallegar og hrikalegar.

[Maddý (IP-tala skráð) 2.3.2008 kl. 21:34]

Ég á bæði lax og silung í frysti og svo á ég auðvitað ýsu og þorsk og skötusel, nota örugglega þessa og fleiri uppskriftir frá þér, takk kærlega. 

[Guðjón H Finnbogason, 2.3.2008 kl. 23:14]

Eingin þarf að vera svangur sem á fisk í geymslu.