Auðveldar pönnukökur

10-14 pönnukökur:

110 gr. hveiti
2 stór egg
200 ml. mjólk blandað saman við 75 ml. af vatni
50 gr. smjör
Smá salt

 

Sigtið hveitið og saltið í stóra skál. Búið til holu í miðju hveitisins og setjið eggin ofan í hana. Byrjið að hræra eggin saman og takið smám saman hveitið með. Á meðan verið er að hræra, hellið smám saman mjólkurblöndunni út í. Hrærið deigið þar til það er orðið mjúkt og kekkjalaust. Bræðið smjörið á pönnu. Setjið 2 msk. af bráðnu smjörinu út í deigið og hrærið því saman við. Hellið afgangnum af smjörinu í litla skál og notið sem olíu á pönnuna. Hitið pönnuna við háan hita, lækkið hitann síðan niður í miðlungshita. Ausið deigi á pönnuna. Hallið pönnunni til og frá svo deigið dreifist jafnt um hana. Pönnukakan ætti að steikjast á hliðinni á um hálfri mín. Þegar pönnukakan er steikt (gyllt að lit), snúið henni við og steikið hina hliðina. Það ætti einungis að taka nokkrar sek. Þegar pönnukakan er tilbúin setjið hana á disk. Steikið pönnukökur úr öllu deiginu og berið fram með t.d. sykri, sultu og rjóma.

 

Undirbúningstími: 10 mínútur

 

Eldunartími: 10-15 mín. f. allar kökur

Athugasemdir

[Guðrún Jóna Gunnarsdóttir, 14.3.2008 kl. 00:00]

Það skyldi þó aldrei verða að mér takist að baka skammlaust pönnukökur einn góðan veðurdaginn

[Guðjón H Finnbogason, 14.3.2008 kl. 13:10]

Pönnukökur eru bara góðar og altaf í öllum tilefnum.

[Jóna Kolbrún Garðarsdóttir, 15.3.2008 kl. 03:12]

Ég nota alltaf lyftiduft og matarsóda í pönnukökurnar mínar og smá vanilludropa líka, en ég nota ekki salt frekar eina matskeið af sykri í deigið, svo nota ég léttmjólk.  Kveðja Jóna Kolla

Ps. ég er atvinnumanneskja og baka alltaf á tveimur pönnum

[Guðjón H Finnbogason, 15.3.2008 kl. 15:14]

Ég hef gert það líka lærði það af móður minni.Þegar maður þarf að baka fyrir marga dugar ekki að nota tvær því þjálfaði ég mig í að nota þrjár og það er lítið mál en það er bara ein hella hjá mér.