Saltfiskur með ólífum, chilipipar og hvítlauk

 

Fyrir 4

Innihald:

800  gr   útvatnaður saltfiskur 
1  dl  ólífuolía 
2  stk  chilipipar, kjarnhreinsaður og skorin í ræmur 
100  gr   svartar ólífur, heilar, steinlausar 
5  stk  hvítlauksgeirar skornir í þunnar sneiðar 
1  msk  paprikuduft 
100  ml   hvítvín 
2  msk  söxuð steinselja 

Aðferð:

1  Skerið saltfiskinn í hæfilega bita og veltið upp úr hveiti. Steikið í vel heitri olíunni í 4-5 mínútur

2  Bætið í vel heita olíunna hvítlauknum og chilipiparnum. Steikið þar
til léttbrúnt og bætið þá í paprikuduftinu og ólífunum. Að síðustu hellið hvítvíninu útí og látið krauma saman, sjóðheitt stutta stund.

3  Látið fiskinn á fat og hellið sósunni yfir. Stráið steinseljunni yfir.  Má setja í ofn rétt áður en rétturinn er borin fram. Þessi réttur er mjög sterkur. Framreiðið með kartöflum og soðnu grænmeti. Einnig gott að framreiða Aioli-sósu með réttinum.

Athugasemdir

[Hólmdís Hjartardóttir, 15.4.2008 kl. 12:33]

Ég elska saltfisk....en finnst þeir útvatna hann of mikið við Miðjarðarhafið.

[Guðjón H Finnbogason, 15.4.2008 kl. 12:45]

Sæl Hólmdís mín.Þurrkaður saltfiskur er útvatnaður í tvo sólahringa lætur ekki renna vatn á hann skiptir um vatn tvisvar þá á hann að vera góður.

[Sigurbjörg Guðleif, 15.4.2008 kl. 17:25]

Þar sem mig langar svo að elda saltfisk þá ætla ég að prófa þessa uppskrift í vikunni  Takk pabbi.

[Hafsteinn Viðar Ásgeirsson, 15.4.2008 kl. 22:29]

Þetta er spennandi uppskrift Guðjón. Við erum oft að prófa ýmsar uppskriftir af saltfiski sem er eins og allir vita, herramannsmatur. Þessa þarf ég að virkja, hún hljómar mjög vel, takk fyrir þetta.

[Guðjón H Finnbogason, 16.4.2008 kl. 17:21]

Sæl og blessuð.Saltfiskur er lostæti,góður sólþurrkaður eins og maður fékk hann í gamladaga.Þegar faðir minn (afi þinn Sigurbjörg)var með fiskbúð hér í Reykjavík þá fékk hann alltaf saltfisk frá Fiskiðjunni í Vestmannaeyjum,þar þekkti hann vel til og fékk líka góðan og eftirsóttan fisk.

[Ómar Pétursson, 17.4.2008 kl. 23:51]

Líst vel á þetta, saltfiskur er herramannsmatur og alltaf gaman að prófa.  Verð með matarboð eftir mánuð og þemað verður saltfiskur.

Kveðja,