Gamaldags súkkulaðibitakökur

Um 24 til 36 smákökur:

205 gr. hveiti
105 gr. mjúkt ósaltað smjör
105 gr. strásykur
105 gr. súkkulaðispænir
85 gr. púðursykur
1 stórt egg
1 1/2 tsk. natrón
1 tsk. vanilludropar
1/2 tsk. salt

 

Forhitið ofninn í 180 °C. Setjið hveitið, natrónið og saltið í skál og blandið saman. Setjið til hliðar. Í stærri skál, blandið smjörið með púðursykrinum og strásykrinum, þar til verður mjúkt, ca. 3 mín. Bætið egginu og vanilludropunum út í og blandið vel. Bætið hveitiblöndunni út í og blandið vel. Að lokum setjið súkkulaðispænirnar út í.
Notið teskeið til að setja kúlur á plötu með bökunarpappír. Bakið í 10 til 12 mín., eða þar til kökurnar eru orðnar gylltar að lit.

Athugasemdir

[Steinunn Þórisdóttir, 21.4.2008 kl. 18:36]

Ummmmm alltaf bestar. Kominn í jólafíling?

[Guðjón H Finnbogason, 21.4.2008 kl. 19:35]

Sælar.Ég nota olíu í bakstri eins og ég kemst með.Eru ekki alltaf jólin.

[Sigríður Guðnadóttir, 21.4.2008 kl. 21:16]

mmmm jammý

[Guðrún Þóra Hjaltadóttir, 21.4.2008 kl. 23:50]

Þetta lítur vel út, Hvaða hlutföll notar þú í olíu versus smjör Guðjón?

[Guðrún María Óskarsdóttir., 22.4.2008 kl. 00:53]

Sæll frændi akkúrat það sem mig vantaði.

kærar þakkir.gmaria.

[Jóna Kolbrún Garðarsdóttir, 22.4.2008 kl. 01:28]

Þessar eru svipaðar og súkkulaðibitakökurnar mínar, sem ég baka fyrir jólin.  Þær eru langbestar

[Guðjón H Finnbogason, 22.4.2008 kl. 12:57]

Sælar allar.Ég nota svipuð hlutföll af olíu og smjöri en ég nota ekki olíu í allan bakstur t.d.Jólaköku nota ég smjör,eplaköku nota ég olíu,brauð nota ég olíu,frankasúkkulaðiköku nota ég smjör en þarf að prófa að nota olíu í hana,þegar ég var á Naustinu þá var ég með franska súkkulaðiköku í lúxusdesert með vanilluís ala gudjon og hann sló í gegn.

[Guðjón H Finnbogason, 22.4.2008 kl. 12:59]

P.S.Það átti að vera hún en ekki hann og ég nót yfirleit Ólífuolíu.

[Bumba, 22.4.2008 kl. 20:45]

Minn kæri, innilegar þakkir, en mig vantar góðan "megrunarmat", eitthvað sem er fljotlegt og allt það . Með beztu kveðju.

[Guðjón H Finnbogason, 22.4.2008 kl. 21:19]

Mín kæra,nú eru komnar uppskriftir fyrir þig

[Guðjón H Finnbogason, 22.4.2008 kl. 21:21]

P.S.Það átti að vera minn kæri