Orðtök

• Burritos
  Rúllaðar hveititortillukökur með fyllingu, oft bakaðar í ofni með osti ofan á.
   
• Enchiladas
  Rúllaðar maístortillukökur með fyllingu, sem er oftast rifinn kjúklingur. Síðan bakað í ofni með osti ofan á.
   
• Fajitas
  Fajitas eru kjötræmur, oftast kjúklingur og nautakjöt, þó einnig skeldýr, t.d. rækjur, sem steiktar eru á pönnu.
   
• Guacamole
  Sósa útbúin úr stöppuðum avocado ávexti. Guacamole er spennandi sem ídýfa með tortillaflögum, einnig með Tacos og Fajitas.
   
• Jalapeno
  Bragðsterkur, mexíkóskur chillipipar. Hentar vel fyrir hugrakka ofan á Tacos og Fajitas.
   
• Nachos
  Mjög vinsæll forréttur. Nachos eru hringlaga, léttsaltaðar maísflögur. Mjög gott er að setja steikt nautahakk, rifinn ost og jalapeno ofan á hverja flögu og hita í ofni.
   
• Quesadillas
  Einskonar samlokur þar sem fylling (oftast skinka og ostur) er lögð á eina tortilla köku og önnur lögð ofan á. Quesadillas er síðan steikt á pönnu, loks skorið í bita og borið fram með salsa sósum, sýrðum rjóma, guacamole og jafnvel fleiru.
   
• Salsa
  Salsa þýðir í raun "sósa með bitum". Hentar vel með mat eða sem ídýfa með Tortilla flögum og Nachos.
   
• Tacos
  Tacos eru maísskeljar sem gott er að fylla með steiktu nautahakki og grænmeti að vild.
   
• Tortilla flögur
  Stökkar, þríhyrndar maísflögur sem eru tilvaldar sem snakk fyrir og eftir aðalmáltíð. Tortilla flögur eru góðar einar og sér en einnig er vinsælt að dýfa þeim í salsa sósu, guacamole og sýrðan rjóma.
   
• Tortilla kökur
  Tortilla er undirstaða flestra bragðsterkra rétta í Mexíkó. Tortillur eru þunnt, kringlótt og gerlaust brauð, gert úr hveiti í norðurhluta Mexíkó, en maís sunnantil. Matnum er pakkað inn í tortillur, þ.e.a.s. kjötinu, grænmetinu, ostinum, eða í raun hverju því sem er á boðstólnum.