Kjúklinga Fajitas í kryddlegi

Uppskrift fyrir fjóra:

450 gr. kjúklingabringur, skornar í lengjur
8 Santa Maria Wrap Tortillas (8")
1 laukur, skorinn í sneiðar
1/4 bolli súraldinsafi ("lime juice")
1 msk. olía
1 tsk. chilli krydd

Meðlæti:
Salsasósa og guacamole.

 

1. Setjið súraldinsafann, olíuna og chilli kryddið í grunnan disk. Bætið kjúklingnum og lauknum út í; passið að kryddlögurinn þeki allan kjúklinginn og laukinn. Setjið lok á diskinn og geymið í kæli í a.m.k. 1 klst., en þó ekki lengur en 24 klst.

2. Gerið grillið tilbúið fyrir eldamennskuna.

3. Fjarlægið kjúklinginn og laukinn úr kryddleginum og grillið við miðlungs hita í 8 til 10 mín., eða þar til kjúklingurinn er steiktur í gegn; penslið með kryddleginum á meðan grilltímanum stendur (snúið kjúklingnum einu sinni). þegar kjúklingurinn er tilbúinn, hellið afgangnum af kryddleginum.

4. Skiptið kjúklingnum og lauknum á milli tortillanna; rúllið þeim svo upp. Berið fram strax með salsasósu og guacamole.