Önd með perum

Uppskrift fyrir fjóra:

1 önd (2 kg.)
1 meðalstór pera
1 laukur
1 gulrót
1 blaðlaukur
2 hvítlauksrif
140 gr. maukaðir tómatar í dós, t.d. Cirio
100 ml. Torres Gran Sangre de Toro
Ólífuolía
Kjúklingasoð eða kjúklingakraftur
Ristaðar möndlur
Kramin einiber
Lárviðarlauf
Tímían
Hveiti
Salt og pipar

 

Hlutið öndina í 8 parta. Kryddið og veltið upp úr hveitinu. Setjið ólífuolíuna á pönnu, snöggsteikið öndina á pönnunni og leggið til hliðar. Skrælið peruna, fjarlægið kjarnann og skerið niður. Brúnið bitana á pönnunni og leggið til hliðar. Brytjið gulrótina, laukinn og blaðlaukinn og steikið á pönnunni þar til gulbrúnt að lit. Bætið við tómatmaukinu, kryddinu og einiberjunum og steikið þar til verður ljósbrúnt að lit. Hellið víninu út á pönnuna og bætið öndinni út í. Hellið kjúklingasoðinu yfir og látið malla á pönnunni. Á meðan merjið hvítlauksrifin og möndlurnar í mortéli. Þegar öndin er tilbúin fjarlægið hana af pönnunni. Bætið hvítlauks- og möndlumaukinu út í sósuna og látið suðuna koma upp. Bætið öndinni og perubitunum út í, hitið upp, saltið og piprið eftir smekk.

 

 

Undirbúningstími: 20 til 30 mínútur

 

Eldunartími: 20 til 30 mínútur

Athugasemdir

[Guðni Már Henningsson, 29.4.2008 kl. 00:06]

þetta er girnilegt....en 20 -30 mínútur???? að gera allt þetta?????

[Guðjón H Finnbogason, 29.4.2008 kl. 00:43]

Guðni minn þú þarft ekki að vera 20 mín að þessu ef þú ert bara 10mín þá er það bara í góðu.Föstudagskvöldin frá kl.22-24 eru frábær.

[Hólmdís Hjartardóttir, 29.4.2008 kl. 01:21]

Hljómar vel. Önd er svooooo góð.