Kanínutúnfiskur

1 kanína (fæst t.d. í Gallerí Kjöt eða Melabúðinni)
1/4 lítri þurrt hvítvín
1 gulrót
1 laukur
Stór sellerístöngull
10 einiber
1 msk. gróft salt
2-3 lárviðarlauf
Nokkrir rósmarínstönglar
Nokkrir hvítlauksgeirar
Nokkur salvíulauf
Jómfrúrólífuolía (Carapelli)
Salt og pipar

 

Réttur þessi er ættaður frá veitingastaðnum L´Angolo del Beato í Asti og er kallaður þessu skrýtna nafni, því áferð kjötsins eftir eldun er ekki ósvipuð áferð túnfisks.

Hlutið kanínukjötið í fimm bita og sjóðið í söltu 3/4 l. af vatni og 3/4 l. af hvítvíni ásamt gulrót, lauk og sellerí í ca. klukkutíma og korter. Látið kólna í soðinu. Þegar kjötið er kalt, úrbeinið þá kjötið og rífið í grófa strimla og setjið setjið í skál. Baðið vel í ólífuolíunni og blandið saman við kryddjurtirnar og kryddið. Þekið ílátið og látið standa nokkra klukkutíma áður en borið fram kalt með góðu brauði eða brauðstöngum (grissini), ýmist sem forréttur eða léttur aðalréttur.

Athugasemdir

[Guðni Már Henningsson, 5.5.2008 kl. 23:04]

Hef aðeins einusinni borðað kanínukjöt svo vitað sé! Það var á veitingastaðnum á hótel Geysi, afbragðsmatur....

[Renata, 6.5.2008 kl. 08:45]

Hef oft borðað kanínukjöt og finnst það mjög gott, rétt eldað er það sælgæti