Ýsa með appelsínu og kóríander

Undirbúningur og eldun: 25 mín Fyrir 4   8 x 100g roð og beinlausir ýsubitar 2 msk hveiti salt og svartur pipar úr kvörn 1 msk sesamfræ 2 msk steytt kóríander eða duft fínt rifinn börkur og safi úr 1 appelsínu 20g smjör 1 msk ólífuolía 3 dl fisksoð (eða vatn og teningar) 1 tsk maisena mjöl og 2 msk kalt vatn ½ dl rjómi   Matreiðsla Blandið saman hveiti, salti, pipar, sesamfræjum, kóríander og berkinum. Stráið yfir allar hliðar á fisknum og steikið við vægan hita á pönnu uns fallega brúnaður. Haldið heitum í ofni meðan sósan er löguð á pönnunni.   Sósa Setjið fisksoðið og appelsínusafann á pönnuna og sjóðið niður um helming. Bætið rjómanum út í og þykkið með maisenamjölinu úthrærðu í vatninu. Smakkið sósuna til með salti og pipar.   Framreiðsla Berið fram með soðnum hrísgrjónum og snöggsoðnum belgbaunum.   Athugið Gæta verður þess að hræra duglega í þegar maisenablandan fer út í því annars kekkist sósan.

Athugasemdir

[Hólmdís Hjartardóttir, 12.5.2008 kl. 00:36]

Takk fyrir enn eina girnilega uppskrift.

[Hólmdís Hjartardóttir, 12.5.2008 kl. 00:39]

Þekkir þú pangafisk?   Keypti frosin pangaflök í Hagkaup og er ekki búin að ákveða hvað ég geri við þau. Er alltaf til í að prófa allt.

[Guðjón H Finnbogason, 12.5.2008 kl. 00:59]

Sæl kæra bloggvinkona ég verð að viðurkenna að ég hef aldrei heyrt þetta og ekki hugm.Eigðu góða Hvítasunnuhelgi mín kæra.

[Gunnar Páll Gunnarsson, 13.5.2008 kl. 22:14]

Hey! Pangasusfiskurinn er svipaður og rauðspretta. Ekkert góður soðinn eða bakaður, en mjög góður steiktur.

Minnir að hann komi ú Viktoríuvatni í Afríku.

Gunni Palli kokkur 

[Anna, 16.5.2008 kl. 22:54]

Spennandi að prufa hana þessa, takk Guðjón.- góðar uppskriftirnar hjá þér.