Marineraður steinbítur, bakaður með eggaldin

Hráefni

• 600 g steinbítur , roðlaus og beinlaus
• Marinering steinbítur
• 2-3 tsk engifer ferskt og saxað
• 1 hvítlauksrif hvítlaukur saxað
• 1 Rauður chilli , steinhreinsað og saxað
• 2/3 dl sesamolía
• 1 dl olía
• 2/3 dl kókosmjólk
• 1 msk sojasósa
• 1 Lime , börkur af einu lime + safinn
• 1-2 eggaldin

Leiðbeiningar

Blandið öllu sem á að vera í marineringunni saman í skál og hrærið vel saman. Takið frá smá hluta af marineringunni fyrir sósuna á eftir. Sneiðið steinbítinn í þunnar sneiðar, setjið á fat. Hellið marineringunni yfir fiskinn og veltið honum í blöndunni þar til hún hefur hulið allan fiskinn. Geymið í kæli yfir nótt eða í minnst 2-4 tíma. Sneiðið eggaldin í sirka ½ cm sneiðar, leggið á fat og saltið sneiðarnar. Látið standa í ca 10 mín. Þerrið þá allan vökvann af og grillið sneiðarnar á vel heitri grillpönnu til að fá fallegar grillrákir í þær. Leggið sneið af eggaldin á fat, sneið af fiskinum og svo þannig koll af kolli. Setjið grillpinna í hvern fiskturn til að þeir haldi sér. Setjið í eldfast form og bakið í ca 10-15 mín við 180°.

Athugasemdir

[Lauja, 6.6.2008 kl. 00:01]

Mér líst rosalega vel á þessa uppskrift, verð að próa hana

[Guðrún María Óskarsdóttir., 6.6.2008 kl. 00:08]

Girnilegt.

kv.gmaria.

[Jóna Kolbrún Garðarsdóttir, 6.6.2008 kl. 02:02]

Namm, þessa verð ég að prófa.  Mér finnst Steinbítur æðislegur fiskur. 

[Hólmdís Hjartardóttir, 6.6.2008 kl. 12:52]

girnilegt....steinbítskinnar eru einn besti fiskur sem ég fæ

[Guðjón H Finnbogason, 6.6.2008 kl. 15:36]

Sæl öll og þakka innlitið.

[Gunnar Páll Gunnarsson, 7.6.2008 kl. 06:41]

Langt er síðan ég hef fengið steinbít. Einn af þeim bestu fiskum sem ég hef fengið. Steinbítshaus í fiskisoðið gerir kraftaverk. Líst vel á þessappskrift þar sem hin fasta áferð og  fina bragð fisksins fer vel með öllu austurlensku.

Gunni Palli kokkur 

[Ingibjörg Friðriksdóttir, 7.6.2008 kl. 10:58]

Steini getur bitið.

Prófa í næstu viku

[Anna, 8.6.2008 kl. 11:14]

Steinbítur m/lauk og brúnni sósu að hætti mömmu  hefur hingað til verið í uppáhaldi en þessi uppskrift er spennandi.