Grillað lambakjöt á ítalska vísu

6 lambakótelettur, eða lambafillet bitar með fitunni á
2-3 rósmarín stönglar
2 hvítlaukar, niðursneiddir
4 msk. Sacla sósa með ólífum og tómat
3 msk. ólífuolía
2 msk. ferskt rósmarín, saxað
Safi úr einni sítrónu
1 msk. balsamik edik
Salt og nýmalaður pipar

 

Skerið rákir í kjötbitana og setjið í þær bita af rósmarín stilkum og hvítlauk, og leggið kjötið á disk. Blandið Saclá sósunni saman við annað innihald, olíuna, sítrónusafann, balsamik edikið og kryddið. Hellið og penslið blöndunni yfir kjötið og látið marinerast í u.þ.b. 1 klst. Grillið í u.þ.b. 10 til 15 mínútur eða eftir smekk, gott er að pensla sósunni yfir kjötið á meðan grillað er.

Berið fram með grilluðum tómötum eða salati. 

Athugasemdir

[Hrafnhildur Ýr Vilbertsdóttir, 25.7.2008 kl. 01:36]

Takk takk, ætla prófa um helgina...mmmmm

[Guðrún Þóra Hjaltadóttir, 25.7.2008 kl. 08:33]

Gott að fá þig í uppskriftirnar aftur. Velkomin heim í kotið og góða helgi í Húsafelli, yndislegur staður.

[Sigmar Þór Sveinbjörnsson, 25.7.2008 kl. 22:23]

Heill og sæll Guðjón og þakka þér þessar uppskriftir. Gaman að prófa eithvað nýtt við grillið.

kær kveðja SÞS

[Birna Dis Vilbertsdóttir (IP-tala skráð) 29.7.2008 kl. 10:40]

Ummmmmmmmmmmmm.takk

[Guðjón H Finnbogason, 29.7.2008 kl. 12:55]

Sæl og blessuð. Ég kom heim í síðustu viku, eftir að vera með þínum mönnum Sigmar í einn vitatúr, þeim Ingvari og félögum það var bara gaman.Annars er bara sæmilegt af mér að frétta ég þarf að vísu að fara til trúnaðarlæknisins og láta líta á bakið og hnén það er ennþá einhver krankleiki þar.Ég set einhverjar grilluppskriftir í viðbót á síðuna annars verð ég á faraldsfæti næstu vikur,en læt ykkur fylgjast með.Kærar kveðjur

[Lilja Guðrún Þorvaldsdóttir, 29.7.2008 kl. 22:52]

Uhmmmmmm virkilega girnileg uppskrift, hlakka til að prófa þessa. -  Kærar þakkir fyrir þetta