Grilluð keila með coriander pesto og sítrónugrassósu

 

Fyrir 4

Innihald:

4x120 gr keilustykki
salt og svartur pipar úr kvörn
ólífuolía til penslunar

coriander pesto:

1  búnt  ferskt coriander 
1  búnt  steinselja 
100  gr  furuhnetur 
1  tsk  sítrónusafi 
1   msk  balsamico edik 
salt og svartur pipar úr kvörn
75 ml ólífuolía

sítrónugrassósa:

2  stk  sítrónugras (lemongrass) -má nota niðursoðið 
50  gr  saxaður charlottulaukur 
100  ml  hvítvín 
1  tsk  turmeric 
100  ml  fisksoð 
100  ml  rjómi 
2  msk  ólífuolía 
2  msk  smjör 

Meðlæti:
Soðnar kartöflur og salat

Aðferð:

Kryddið keiluna með salti og pipar og penslið með ólífuolíu. Grillið á vel heitu grilli í 1-2 mínútur á hvorri hlið.

Pesto:
Blandið öllu saman í matvinnsluvél og látið snúast í nokkra hringi. Setjið ofaná keiluna og bregðið stutta stund undir vel heitt grill.

Sósa:
Skerið sítrónugrasið í litla bita og svitið í heitri olíunni ásamt lauk.
Kryddið til með turmeric, salti og pipar. Hellið hvítvíni og fisksoði í
pottinn og látið sjóða niður um 2/3. Setjið rjómann í og sjóðið aftur niður um helming. Hrærið köldu smjörinu saman við og látið ekki sjóða eftir það.

 

Athugasemdir

[Auðunn Valsson (IP-tala skráð) 25.8.2008 kl. 14:52]

Sæll kollegi.

Hvar fékkstu þessa uppskrift? Hún er frá mér kominn upphaflega og var birt á heimasíðu Freistingar ( www.freisting.is ) Hvað finnst þér um það, er ekki sjálfsagt að geta heimilda? Ekki það að ég sé að banna þér að nota uppskriftina :) 

Kv,

Auðunn

[Guðjón H Finnbogason, 25.8.2008 kl. 19:52]

Auðunn ef svo er þá er það rétt hjá þér og biðst ég afsökunar á því en ég er með mikið af uppskriftum frá mér og öðrum sem hafa tekið frá mér og stundum betrumbætt þær,þannig er það og þú veist alveg hvernig það er.Ég hef ekki hug á því að gera þér neinn ógreiða,enda veit ég ekkert hver þú ert.