Íslensk villigæs

 

Uppskrift fyrir átta:

6 gæsabringur, hamflettar og fituhreinsaðar
2 box fersk kirsuber - steinhreinsuð og skorin til helminga
2 shallott laukar - saxaðir smátt
2 msk. sykur
1 ½ bolli púrtvín
12 msk. smjör í bitum
8 kvistir rósmarín
Salt og nýmalaður pipar
Ólífuolía

Ofninn hitaður í 180°. Saltið og piprið bringurnar. Steikið bringurnar við góðan hita á pönnu í örlítilli ólífuolíu. Færið bringurnar í eldfast fat og setjið í ofn í 12 mín. - varist að ofelda. Athugið að eldun heldur áfram í nokkrar mínútur eftir að þær koma úr ofninum. Meðan bringurnar bakast í ofninum eru kirsuberin sett á pönnuna ásamt lauknum, víninu og sykrinum. Sjóðið saman í 5 - 6 mín. eða þar til berin eru elduð. Takið af hitanum og þeytið smjörbita í einn í einu. Bragðbætið með salti og pipar. Takið bringurnar úr ofninum og látið jafna sig í nokkrar mín.. Skerið niður - raðið á diska setjið sósu yfir og einn rósmarín kvist á hvern disk. .

(Í þessa uppskrift má líka nota 8 andarbringur.)

Athugasemdir

[Steingrímur Helgason, 7.10.2008 kl. 00:43]

Kirsuber, þetta er nýtt innleg fyrir mér sem ég verð nú að prófa.

Grunar að þetta fari snilldarvel saman við gæzina.

Takk.

[Gudrún Hauksdótttir, 7.10.2008 kl. 09:13]

Já kirsuber eru mjög ljúfeng med öllu viltu.Hef smakkad tad med hreindýri sem ég elda stundum.

Er med stórt kirsuberjatré í gardinum mínum.

Takk fyrir allar tínar gódu uppskriftir.

Knús á tig inn í gódann dag.

[Vilhjálmur Örn Vilhjálmsson, 7.10.2008 kl. 12:03]

Mmmm, en áttu nokkuð uppskrift af sprengdum bönkum eða verðbólgusvínum?

[Hrafnhildur Ýr Vilbertsdóttir, 10.10.2008 kl. 14:59]

Nú væri gott að fá kreppu uppskriftir....kanntu einhverjar þar sem baunir koma við sögu? Þær eru ekki bara hollar heldur líka mjög ódýrar og góðar..

[Kolbrún Harpa Vatnsdal Kolbeinsdóttir, 11.10.2008 kl. 18:48]

Nammi nammm..og takk fyrir frændi minn að kíkja inn á síðuna mína. Og bestu kveðjur frá Eyjum