Pilaf hrísgrjón með rækjum Frá Matarlist

 

 

 

 

Uppskrift fyrir sex:

500 gr. hrísgrjón
20 ópillaðar rækjur
20 pillaðar rækjur
1 laukur
250 gr. rjómi
Ólífuolía
Sojasósa
Salt og pipar

 

Hellið grjónunum á pönnu (sem festist ekki við) ásamt tveimur msk. af ólífuolíu, salti og pipar og hitið í 2 -3 mín. Hellið öllu í eldfast mót ásamt lauknum skornum í tvennt og ópilluðu rækjunum. Hellið vatni þannig að rétt fljóti yfir og bakið við 200° í 20- 25 mín. Setjið hinar rækjurnar á pönnu ásamt 4-5 msk. af olíu og yljið í 5 mín. Bætið rjómanum þá saman við og 1 msk. af sojasósunni og mallið örlítið þannig að úr verði mátulega þykk sósa. Formið grjónin að vild á diskunum, hellið sósunni yfir og raðið rækjum jafnt yfir. Skreytið með litlum klettasalatblöðum (rucola) eða öðru salati.

 

 

Undirbúningstími: innan við 10 mínútur

 

Eldunartími: rúmur hálftími