Grilluð Tandoori kjúklingalæri

  

 

 

 

 

 680 gr. kjúklingalæri
4 msk. Patak´s Tandoori Paste
4 msk. hnetusmjör með hnetubitum
1/2 bolli hrein jógúrt
2 tsk. eplaedik

 

Fjarlægið skinnið af kjúklingalærunum og ristið grunnt í kjötið með beittum hníf. Hrærið saman jógúrt, kryddmaukið, hnetusmjörið og edikið. Leggið júklingalærin í kryddlöginn. Lokið ílátinu og látið standa í klst. Grillið lærin við miðlungshita á grilli og snúið við öðru hvoru. Smyrjið restinni af kryddleginum á lærin á meðan grillað er.

Athugasemdir

[Rósa Aðalsteinsdóttir, 26.10.2008 kl. 21:48]

Sæll og blessaður.

Þetta er mjög girnilegt. Kíkti líka á færslurnar fyrir neðan.

Guð veri með þér og þínum.

Bið að heilsa Unni og Simma ef þú kíkir Kaffi Kró.

Kær kveðja/Rósa

[Guðni Már Henningsson, 26.10.2008 kl. 22:44]

Ef ég væri kona vildi ég vera gift þér... En þar sem ég er ekki kona verð ég að láta mig dreyma um þessi ljúfmeti sem þú skrifar um... reyni kanski þennan kjúklingarétt þó ég eigi ekki grill, reyni að steikja þetta á pönnu eða stinga því í ofninn...

[Rabbabara, 27.10.2008 kl. 01:44]

Flottar uppskriftir hjá þér, ég hlakka til að prufa þessa í sumarbústaðnum um næstu helgi

[Kristín Gunnarsdóttir, 27.10.2008 kl. 16:34]

Vildi sko vera gift þér, lystakokkur

[Guðjón H Finnbogason, 27.10.2008 kl. 21:37]

Tandori er ekki sterkt nema að mikið sé notað af því.Það er líka hægt að strá yfir leggina og nudda það svo með ólifurolíu og steikja á heitri pönnu og gefa með því hrísgrjón.