Heilsteiktur nautavöðvi í steikarpotti

Undirbúningur og eldun: 1 klst og 20 mín
Fyrir 6

1,5 kg beinlaus nautavöðvi, (t.d. biti úr innralæri)
olía til steikingar
salt og pipar
4 kartöflur, meðalstórar
1 gulrót
100g steinseljurót
1 rauð paprika
8 skalotlaukar
2 hvítlauksgeirar
200g sveppir
1 msk balsamic edik
1 tsk sykur
4 dl nautasoð, eða vatn og teningar
½ búnt steinselja
½ tsk timjan
2 tómatar

Undirbúningur
Afhýðið og skerið kartöflurnar í teninga ásamt gulrótinni, steinseljurótinni og paprikunni. Afhýðið skalotlaukinn, saxið hvítlaukinn og skerið sveppina í tvennt

Matreiðsla
Hitið olíuna á pönnu og brúnið vöðvann vel, kryddið salti og pipar, setjið í steikarpott eða stórt eldfast mót með loki.. Brúnið laukinn á pönnunni og bætið svo restinni af grænmetinu á og kryddið með salti, pipar og timjan. Hellið grænmetinu í pottinn með kjötinu og bætið í soðinu, sykrinum, edikinu og söxuðum tómötunum. Lokið pottinum og setjið í 150 c heitan ofn í klukkutíma eða þar til kjöthitamælir sýnir 62 c. Látið kjötið standa undir stykki í 10 mín áður en það er skorið.

Sósan
Sigtið grænmetið frá soðinu og setjið soðið í pott og þykkið með sósujafnara eða maisenamjöli úthrærðu í köldu vatn, bragðbætið með kjötkrafti.

Framreiðsla
Berið réttinn fram með grænmetinu, sósunni og soðnum hrísgrjónum. Basmati & wild grjón henta vel með svona réttum sem og gróft brauð.

 

Athugasemdir

[Auður (IP-tala skráð) 8.1.2009 kl. 23:54]

Ótrúlega girnilegar uppskrifti á þessu bloggi. Ætla örugglega að prufa þessa fljótlega.

Takk.

[Guðmundur Gunnarsson, 9.1.2009 kl. 14:16]

Þetta er býsna karlmannlegur réttur, ég mun örugglega pprófa hann fljótlega!