Morgunverðar Burritos með kartöflum og eggjum

 

 

 

 

Uppskrift fyrir tvo:

2 stk. Santa Maria Wrap Tortilla
2 kartöflur, afhýddar og skornar í teninga
Kartöflukrydd
3 msk. ósaltað smjör
3 stór egg
2 msk. þeyttur rjómi
35 gr. rifinn Monterey Jack ostur
2 msk. sýrður rjómi
2 msk. Santa Maria salsasósa
Salt og pipar

 

Bræðið 2 msk. af smjörinu á pönnu við miðlungshita. Steikið kartöflurnar í 2 til 3 mín., kryddið þá kartöflurnar eftir smekk, og steikið þær í 12 mín. til viðbótar, eða þar til þær verða mjúkar. Setjið síðan til hliðar.

Bræðið 1 msk. af smjörinu á pönnu við miðlungshita. Setjið eggin og rjómann í skál og hrærið saman; kryddið eftir smekk. Hellið út á pönnuna og steikið í ca. 3 mín. Setjið til hliðar.

Hitið tortillurnar samkvæmt leiðbeiningunum á umbúðunum.

Setjið kartöflur í miðju hverrar tortillu. Setjið svo egg, ost, sýrðan rjóma og salsasósu. Brjótið tortillurnar saman; fyrst hliðarnar yfir innihaldið, síðan saman frá botninum. Berið fram strax.

Athugasemdir

[Steingrímur Helgason, 2.12.2008 kl. 23:13]

Mikið er notalegt að lesa bloggið þitt þessa daganna & fá ferzkar hugmyndir & aðferðafræði við uppáhaldsáhugamálið.

[Guðjón H Finnbogason, 3.12.2008 kl. 01:27]

Það er gott Steingrímur minn að við eigum svona áhugamál.