Beikonvafðar kjúklingabringur

 

(þetta er ótrúlega gott)

 

Kjúklingabringur

 

Beikonbréf

 

(Ekkert krydd)

 

Kjúklingabringur skornar langsum í ca. 3 bita. Beikoni vafið utan um, gott að tylla beikoninu með tannstöngli. Grillað á útigrillinu. Alveg hægt að steikja líka eða setja í eldfastmót inn í ofn.

 

Sósa

 

1 laukur

 

2 hvítlauksrif

 

Glassera þetta á pönnu.

 

2 dl tómatsósa

 

1 dl HP sósa

 

sojasósa

 

svartur pipar

 

2 msk Worchestersósa

 

ca. 2 dl appelsínusafi

 

1 msk edik.

 

Allt sett út á pönnuna (pottinn) og hrært saman.

 

Borið fram með hverju sem er.

 

BBQ kjúlli

2 kjúklingar í bitum

 

sósa:

 

2 dl Hunts grillsósa

 

1 dl sojasósa

 

1 dl aprikósumarmelaði

 

100 gr púðursykur

 

50 gr smjör

 

Þetta er allt saman brætt saman í potti. Kjúklingi raðað í eldfast mót og sósunni hellt yfir. Haft í ofni í 40 -60 mín. á ca. 200 gráðum.

 

Penne með grænmeti, sveppum og jurtum

handa fjórum
350 g penne (De Cecco)
30 g sveppir
30 g kóngasveppir, ferskir eða þurrkaðir (leggið þá þurrkuðu í bleyti í 20 mín. í heit vatn og síið áður en eru ntaðir)
20 g skalotlaukur
80 g fersk rauð paprika
80 g ferskur kúrbítur (zucchini)
80 g grillaðar paprikur frá Saclà
50 g grillað zucchini frá Saclà
jómfrúrólífuolía e. þörfum
lítið búnt af blönduðum kryddjurtum: steinselju, rósmarín og tímían
150 g peperonata frá Saclà
salt og pipar e. smekk
parmesanflögur e. smekk

Sjóðið penne í vænu magni af léttsöltu vatni (notið gróft salt). Þrífið sveppina og skerið í bita. Skerið laukinn í þunnar sneiðar. Skerið fersku paprikuna og zucchini og dembið í sjóðandi vatn í 5 mín. Hitið olíuna á pönnu og hitið í 5 mín. og bætið síuðu Saclà-grænmetinu við ásamt litlu búnti af saxaðri steinselju. Bætið vel sigtuðu pastanu út á pönnuna ásamt Saclà peperonata og blandið öllu vel saman við háan hita. Smakkið til með salti og pipar og skreytið með parmesanflygsum og smátt söxuðum blönduðum kryddjurtunum.

Fylltur kjúklingur á ítalska vísu

 

200 g spínat

60 g hvítlaukssmjör

50 g smjör

½ dl rjómi

7 stk stórar kartöflur

4 stk kjúklingabringur

1 stk sítróna

basil (1 búnt)

Parmaskinka 4 góðar sneiðar

salt og pipar

 

Matreiðsla

Kjúklingabringurnar eru fylltar með hvítlaukssmjörinu og Parmaskinkunni. Brúnaðar á pönnu ca. 1 mín hvor hlið, síðan bakaðar í ofni í 10 mín við 180 gráður.

Spínatið er steikt á pönnu með smá smjöri, salti og pipar. Kartöflustappan er búin til úr soðnum kartöflunum, smjöri, rjóma, salti, pipar og basil eftir smekk. Gott er að kreista sítrónu yfir kjúklingin áður en hann er borinn fram.

 

Mateus Rosé

Tegund: Rósavín
Land: Portúgal
Hérað: Douro dalurinn
Framleiðandi: Sogrape
Berjategund: Baga , Bastardo , Tinta Roriz , Touriga Nacional
Styrkleiki: 11%
Stærð: 75 cl
Verð: sjá verðlista
Sölustaðir: Allar verslanir ÁTVR

 

Mateus rósavínið er klassískt rósavín, ferskt og létt með miklum ávexti. Mateus er hálf sætt rósavín sem er best vel kælt. Ferskleiki vínsins er stöðugur þar sem þrúgusafanum er haldið ferskum í lofttæmdum og hitastigsstjórnuðum einingum. Mateus er svo gerjað og sett á flöskur eftir eftirspurn sem tryggir það að ávallt er um ungt og ferskt vín að ræða.

Mateus rósavínið er tilvalið gegnum alla máltíðina en þó sérstaklega gott með indverskum og mexíkóskum mat.

Mateus Rosé fæst einnig í 375 ml. flösku, kr. 590,-, sem og í 1,5 ltr. flösku, kr. 1.690,-.

Salsakjúklingur á hrísgrjónabeði

Uppskrift fyrir fjóra:

Uppskrift fyrir fjóra:

450 gr. kjúklingabringur, skornar í lengjur
250 gr. soðin hrísgrjón (heit)
1 krukka Santa Maria salsasósa (medium)
50 gr. rifinn ostur
1 laukur, niðurskorinn
1 rauð paprika, niðurskorin
1 msk. olía til steikingar
Ferskur kóríander, til skreytingar

 

Hitið olíu á pönnu við miðlungshita. Setjið kjúklinginn, laukinn og paprikuna út á og steikið í 10 til 12 mín. Hellið salsasósunni yfir; látið sjóða. Fjarlægið pönnuna af hellunni. Stráið ostinum yfir kjúklinginn. Setjið lokið á pönnuna og látið standa í 5 mín., eða þar til osturinn er bráðnaður. Setjið hrísgrjónin á stóran disk og leggið kjúklinginn ofan á. Skreytið með kóríandernum. Berið fram strax, t.d. með sýrðum rjóma.

Tortillas turn með kjúkling, grænmeti og osti

Uppskrift fyrir sex:

4 stk. Santa Maria Wrap Tortilla (10")
500 gr. steiktar kjúklingabringur, skornar í ræmur
250 gr. rifinn ostur
200 gr. laukur, niðurskorinn
200 gr. rauðlaukur, niðurskorinn
200 gr. rauð paprika, niðurskorin
200 gr. græn paprika, niðurskorin
2 hvítlauksrif, brytjuð niður
1 dós (ca. 280 gr.) niðurskornir tómatar
1/2 tsk. salt
1/2 tsk. cumin krydd
50 gr. ferskur kóríander, niðurskorinn (má sleppa)
50 gr. svartar ólífur, niðurskornar (má sleppa)
Olía til steikingar

 

Hitið olíu á pönnu við miðlungshita. Steikið laukinn í ca. 5 mín., eða þar til orðin brúnleitur. Bætið paprikunni og hvítlauknum út í; steikið í 5 mín. til viðbótar. Bætið kjúklingnum og tómötunum, salti og cumin kryddinu; látið malla í ca. 7 mín.

Forhitið ofninn í 190°C. Setjið tortillu á plötu með bökunarpappír. Setjið 1/3 af kjúklingablöndunni ofan á; stráið 1/4 af ostinum ofan á. Endurtakið tvisvar; endið á tortillu og setjið afganginn af ostinum ofan á. Setjið kóríander og ólífur ofan á ostinn. Bakið í ofni í 10 til 15 mín., eða þar til turninn er hitaður í gegn og osturinn bráðnaður. Skerið í sneiðar og berið fram.

Ofnbakað tacos með osti og salsasósu

Uppskrift fyrir fjóra:

350 gr. Santa Maria Chunky salsasósa
6 stk. Santa Maria taco skeljar, brotnar í litla bita
100 gr. rifinn ostur
1/2 laukur, niðurskorinn
1 msk. olía til steikingar

Til skreytingar:
Sýrður rjómi, niðurskornir jalapeños, niðurskorinn lárpera (avocado)

 

Forhitið ofninn í 180°C. Hitið olíu á pönnu og steikið laukinn þar til hann verður mjúkur, ca. 1 til 2 mín. Hellið salsasósunni út á. Látið sjóða. Lækkið hitann. Látið malla í 3 til 4 mín. Setjið helminginn af taco skelja bitunum í botninn á eldföstu móti. Hellið helmingnum af sósunni yfir og setjið síðan helmingin af ostinum ofan á. Setjið síðan afganginn af taco skelja bitunum ofan á ostinn, afganginn af sósunni ofan á, og að lokum afgangin af ostinum. Bakið í ofni í 10 til 15 mín., eða þar til osturinn er bráðnaður. Skreytið með sýrðum rjóma, jalapeño sneiðum og lárperu sneiðum. Berið fram strax.

Sutter Home Chardonnay 18,7 cl

Tegund: Hvítvín
Land: Bandaríkin
Hérað: Kalifornía
Framleiðandi: Sutter Home Winery
Berjategund: Chardonnay
Styrkleiki: 12,5%
Stærð: 18,7 cl
Verð: sjá verðlista
Sölustaðir: Allar verslanir ÁTVR

 

Ljósgylltur litur. Vínið ilmar af grænum eplum sem eru ráðandi en einnig má finna vott af þroskuðum perum og léttum sítrusilm. Rúnað í bragði og örlítið kremað. Mjög ferskur ávaxtakeimur, ákveðið vín með góða ávaxtakennda endingu.

Frábært vín með fisk, kjúklinga-, lamba- og svínakjöti. Einnig hentar það vel með léttum pastaréttum og ostum sem ekki eru of bragðmiklir.

Sutter Home Chardonnay er líka tilvalið eitt og sér.

Sutter Home vínin koma frá Napa Valley í Kaliforníu. Sutter Home er ameríski draumur nútímans þar sem hvert eitt og einasta vín frá þeim er á topp tíu lista yfir vinsælustu Kaliforníuvínin í Bandaríkjunum.

Sutter Home er frumkvöðull hinna vinsælu White Zinfandel vína eða blush vína.

Tortillas pizza með pestó og sólþurrkuðum tómötum

Uppskrift fyrir fjóra:

8 stk. Santa Maria Wrap Tortillas
4 tsk. ólífuolía
400 gr. rifinn Mozzarella ostur
8 msk. pestó
8 stk. sólþurrkaðir tómatar, skornir í lengjur
50 gr. geitaostur
2 tsk. furuhnetur (má sleppa)

 

Setjið tortillu á plötu með bökunarpappír. Penslið tortilluna með pestóinu og stráið Mozzarella yfir. Leggið aðra tortillu ofan á og penslið hana einnig með pestói og stráið osti yfir. Setjið síðan sólþurrkuðu tómatana, geitaostinn og furuhneturnar ofan á. Endurtakið með afganginn af tortillunum. Bakið tortilla pizzurnar í ofni við 200°C í ca. 10 mín., eða þar til osturinn er bráðnaður. Berið fram strax.