Péturborg

 

 Þetta er mynd af  fjölskyldunni í pétursborg í Vestmannaeyjum.

Sama fjölskyldan bjó þar í um 60 ár.

Talið frá vinstri:Jón ,Björn,Gunnar,Vigfús,Hallvarður og Finnbogi

Fremri röð:Lilja,Sigurður Vigfússon,Ingibjörg Björnsdóttir og Guðbjörg.

 Jón bjó í mörg ár á Neskaupsstað var klæðskeri  að ment og var líka kaupmaður en bjó síðustu árin í Reykjavík

Hann var giftur Ásgeði Guðmundsdóttur og áttu þau fjögur börn.

Björn bjó í Vestmannaeyjum á Faxastíg vann í verslun Haraldar Eiríkssonar,hann starfaði líka mikið fyrir leikfélagið í eyjum og var á fyrri hluta síðustu aldar hringjari slökkviliðsins. Hann var giftur Ingveldi Jónsdóttur og áttu þau tvær dætur.

Gunnar bjó í Reykjavík var verkstjóri hjá Eimskipafélaginu við lestun og losun skipa.Hann var giftur Guðbjörgu Guðnadóttur og áttu þau einn son.

Vigfús var skipstjóri og útgerðarmaður í eyjum síðustu árin vann hann á sjúkrahúsinu, hann bjó á Bjargarstíg 4. Hann var giftur Jónu Vilhjálmsdóttur og áttu þau tvær dætur

Hallvarður vann sem gæslumaður leikvalla í eyjum bjó alla sína æfi í Pétursborg.Hann var giftur Sigríði Guðjónsdóttur og áttu þau fimm börn

Finnbogi var sjómaður í eyjum til ´46 flutti þá til Reykjavíkur var verkstjóri á Keflavíkurflugvelli og endaði sína starfsæfi sem fisksali,hann bjó í Pétursborg og Hásteinsvegi 38 þegar hann var í eyjum.Hann var giftur Sigurbjörgu Guðjónsdóttur og áttu þau tvö börn

Lilja var Húsmóðir að Hásteinsvegi 58 Hún var gift Magnúsi Jónsyni og áttu þau fjögur börn

Guðbjörg var Húsmóðir að Laugalandi Vestamannabraut 54í eyjum en bjó síðustu árin í Reykjavík dvaldi lengi á Vífilstöðum. Hún var gift Guðlaugi G Þorsteinssyni þau áttu sex börn.

Sigurður Vigfússon var sjómaður í eyjum og var líka við beitningar.Hann var fæddur að Hofi í Öræfum. Foreldrar: Vigfús Sigurðsson, fæddur 22. september 1826, Reynivöllum
og Helga Ólafsdóttir, fædd 11. september 1835, Hofsnesi.

Ingibjörg var Húsmóðir í Pétursborg. Hún var fædd að Kirkjubæ í Vestmannaeyjum. Foreldrar: Björn Einarsson fæddur 1. maí 1828, Hrútafelli, A-Eyjafjallahreppi
og k.h. Guðríður Hallvarðsdóttir, fædd 13. júní 1827, Söndum A-Eyjafjallahreppi.

Þau heiðurshjón hófu búskap í Bergþóruhúsi á Seyðisfirði og fluttu til eyja 1909 og bjuggu fyrst á Kornhól og byggðu síðan Pétursborg og bjuggu þar til dauðadags Hann dó 1939 og hún 1945 Lilja var sú eina sem var fædd í eyjum hin voru fædd á Seyðisfirði.

Strætóbílstjóri

Í dag lenti ég í því að strætóbílstjóri ok vagninum inn á akrein sem ég var,ég var að koma vestur Ártúnsbrekkuna kom hann beint inn á akreinina og ég flautaði hann vék ekki og mér til lífs þá hægði bílstjóri á sér sem var á akreininni við hliðina þannig bjargaði ég mér.Ég hringdi í umsjónamann hjá Strætó hann hló að mér og hefði alveg eins getað sagt mér að fara til helvítis.Ég bara spyr eftir þetta og það sem ég og aðrir hafa séð eru þessir bílstjórar búnir að fá leifi til að brjóta allar umferðaregglurnar,þeir fara yfir á rauðu ljósi þeir keyra of hratt og fara hiklaust yfir akreinar hvort sem einhver er þar eða ekki.

Með pasta

Bolla Sangiovese Di Romagna

Tegund: Rauðvín
Land: Ítalía
Hérað: Emilia-Romagna
Svæði: Romagna
Framleiðandi: Fratelli Bolla
Berjategund: Sangiovese
Stærð: 75 cl
Verð: 1090 kr.
Sölustaðir: Akureyri Hafnafjörður Seltjarnarnes Kringlan Heiðrún

 

Sterk berjalykt eins og rifsber, súr kirsuber, plómur og fjólur. Þurrt og með hreinu kryddbragði, í góðu jafnvægi með frískandi sýru sem vegur á móti hinum mikla ávexti Sangiovese. Auðdrekkanlegt vín. Sangiovese di Romagna er framleitt og geymt í stáltönkum. Er best notið innan þriggja ára frá árgangsdegi.

Hentar vel pasta með tómatssósu, rifum, kjúklingi, kálfakjöti, svíni, nauti og köldum kjötréttum sem og köldu salati.

Létt

Spaghetti með Mascarpone

Uppskrift fyrir tvo:

250 gr. Galbani Mascarpone ostur
300 gr. DeCecco spaghetti
100 gr. mjólk
2 eggjarauður
1 tómatur
Salt og pipar

 

Setjið Mascarpone ostinn og mjólkina í skál og blandið saman. Blandið síðan eggjarauðunum saman við. Afhýðið tómatinn og fjarlægið steinana; skerið tómatinn síðan í litla teninga og bætið út í ostablönduna. Kryddið eftir smekk.

Sjóðið pastað þar til það er "al dente". Hellið vatninu af og bætið ostablöndunni saman við. Hrærið vel í. Berið fram strax.

Rauðvíni með lambalundum

Torres Gran Coronas Reserva

Tegund: Rauðvín
Land: Spánn
Hérað: Penedés
Framleiðandi: Miguel Torres
Berjategund: Cabernet Sauvignon , Temparinillo
Stærð: 75 cl
Verð: 1590 kr.
Sölustaðir: Allar verslanir ÁTVR

 

Þetta er mjög klassískt spænskt vín, uppistaðan er Cabernet Sauvignon en Tempranillo kemur einnig lítillega við sögu. Djúprauður litur, með öll einkenni góðs þroska, vanilla, leður, lakkrís. Vín í góðu jafnvægi og með góða fyllingu, silkikennt, þétt og vel uppbyggt tannín.

Gran Coronas Reserva hentar vel með kjötréttum (naut, lamb) og ostum, passar t.a.m. frábærlega með spænska harðostinum Manchego, sem oft er á Tapas borðum, en hann kallar einmitt á þroskað Cabernet Sauvignon vín, líkt og Gran Coronas.

-----------------------------
Description
Cabernet Sauvignon and Tempranillo are the grapes that bestow their nobility on Gran Coronas, a wine of a deep red hue, with ochre and brick-red touches from its ageing.

Wine and Food
Excellent with any meat dish, from the simplest grilled steak to the finest game.

Tasting Notes
The rich, sensual aroma is typical of the grape varieties recalling small red and black berries (cherries and blackcurrants), green coffee beans, liquorice and the characteristic vanilla and leather notes from ageing. On the palate the wine is full and silky with dense, well-structured tannins.

Awards
- Gold Medal Concours Mondial de Bruxelles 2003 (1999 Vintage)

- Gold Medal Challenge International du Vin 2003, France (1999 Vintage)

Lamb

Glóðaðar Tandoori lambalundir

Uppskrift fyrir fjóra:

500 gr. lambalundir
4 msk. Patak´s Tandoori Paste
2 msk. Rajah Tandoori kryddblanda
1 msk. nýtt engifer, rifið
1 msk. hunang
1 dl. hrein jógúrt (1/2 dós)
Salt og pipar eftir smekk

 

Blandið kryddlög úr kryddi, kryddmauki, engiferi, hunangi og jógúrt. Saltið og piprið eftir smekk. Látið lambalundirnar liggja í leginum í 4 til 12 klst. Glóðið lambalundirnar við vel heita glóð í ofni eða á útigrilli. Þær má einning pönnusteikja.

Berið lambalundirnar fram með hrísgrjónum. Með þeim er einnig gott að hafa lauk, steiktan á pönnu.

Tandoori kryddblandan kemur frá Rajasthan í vesturhluta Indlands.

Svín

Grillaðar svínakótelettur með Mango Chutney

Uppskrift fyrir fjóra:

4 stk. svínakótelettur
3 msk. Patak´s Mango Chutney
1 tsk. Patak´s Vindaloo Paste
1/2 tsk. salt
1/3 tsk. svartur pipar
2/3 msk. olía

 

Kryddið kóteletturnar með salti og pipar. Setjið Mango Chutney og Vindaloo kryddmaukið í skál og blandið vel saman. Þekið síðan hverja kótelettu með maukinu. Setjið afganginn af maukinu til hliðar. Grillið kóteletturnar á heitu grilli, smyrjið olíu á hliðarnar á meðan steikingu stendur. Snúið kótelettunum reglulega við svo þær steikist jafnt á báðum hliðum. Þegar kóteletturnar eru alveg að verða tilbúnar, setjið afganginn af maukinu ofan á og grillið þar til kóteletturnar eru tilbúnar.

Berið fram með hrísgrjónum og agúrkusalati.

Kálfur og pasta

Pönnusteikt kálfakjöt á pappardellebeði

Uppskrift fyrir tvo:

2 sneiðar kálfasnitsel (eða svínasnitsel), fitusnyrtar og skornar í strimla
200 gr. papardelle pasta frá DeCecco
1/2 krukka SACLÁ sveppa og marsala sósa
50 ml. marsala vín
2 msk. matarrjómi eða sýrður rjómi
1 msk. ósaltað smjör
1 lárviðarlauf
Sjávarsalt og nýmalaður pipar

 

Bræðið smjörið á stórri pönnu og bætið lárviðarlaufinu út í. Saltið og piprið hveitið og veltið kjötinu upp úr því. Leggið kjötið á pönnuna og steikið á hvorri hlið í fjórar mínútur. Hellið þá marsala víninu út á og sjóðið í eina
til tvær mínútur. Takið kjötið af pönnunni og haldið því heitu. Bætið Saclá
sveppa- og marsala sósu á pönnuna, svo og rjómanum. Komið upp suðu og setjið
þá kjötið aftur út í. Sjóðið þar til kjötið er heitt í gegn. Komið upp suðunni á söltuðu vatni í stórum potti. Sjóðið pastað þar til það er "al dente" skv. leiðbeiningum. Sigtið og setjið á heita matardiska. Raðið kjötinu ofan á pastað og ausið sósunni yfir. Berið fram með muldum pipar úr kvörn.

Rauðvínið með steikini

Bava Arbést Barbera d´Asti

Tegund: Rauðvín
Land: Ítalía
Hérað: Piemonte
Framleiðandi: Bava
Stærð: 75 cl
Verð: 1990 kr.

 

Heillandi ilmur af þroskuðum rauðum og svörtum kirsuberjum, ásamt þroskuðum ávöxtum með vott af leðri og mokka. Í munni ávextir, tannín og frískandi sýra.

 

 

Veisla í vikulokin - Vitello tonnato

Kálfasteik

Veisla í vikulokin - Vitello tonnato

handa þremur til fjórum

700 g kálfafillet
1/2 l þurrt hvítvín
salt og pipar
2 lárviðarlauf
2 sellerístönglar
1 hvítlauksgeiri
2 eggjarauður
safi úr 1 sítrónu
200 g túnfiskur í olíu (Callipo)
2 fínhökkuð ansjósuflök
2 msk kapers

 

Snöggsteikið kjötið í heilu lagi í djúpri pönnu í sjóðheitri ólífuolíu. Hellið hvítvíni yfir, bætið sellerí og hvítlauk saman við, saltið og piprið og látið malla í 50 mín. Kælið. Útbúið majónessósu úr eggjarauðunum, sítrónusafa og ögn af ólífuolíu. Blandið ansjósum, túnfiski (án olíu) og kapers saman við í gegnum sigti. Hrærið öllu vel saman þar til úr verður jöfn og mjúk blanda. Skerið kjötið í þunnar sneiðar og raðið á flata diska eða bakka, smyrjið túnfiskmajónesinu yfir kjötið og geymið í kæli í a.m.k. 2-3 tíma.