Sparnaður eða?

Hvað er verið að bjóða upp á í Háskólasjúkrahúsakerfinu,á LSH Hringbraut lagðist inn kona félaga míns í aðgerð,þetta er mjög erfið aðgerð og áhættusöm og fylgja þessu miklir verkir og þá líka lyfjagjafir.Það þurfti að flytja þennan sjúkling á aðra stofu semsagt að skipta um stofu og hjúkrunarfræðingurinn sem kom til hennar tjáði henni að hún hefði tvo kosti annar væri að fara á fjögra manna stofu enn hinn væri að fara á tveggja manna stofu með karlmanni.Ég hef aldrei heyrt svona fyrr að á sjúkrahúsi séu sjúklingum hópað svona saman,er þetta hluti sparnaðar,konan valdi að fara á fjötramanna stofu en að sjálfsögðu vildi hún vera á tveggja með þá annarri konu.Maður konunar hélt að þetta væri jók en svo var ekki því miður,hann gekk um ganginn til að athuga hvernig staðan væri á herbergjum og sá að nokkur herbergi væru tóm.Ég hef spurt fólk sem vinnur á LSH og enginn hefur látið sér detta svona í hug.

Gott með pizzu

Palandri Estate Shiraz

Tegund: Rauðvín
Land: Ástralía
Hérað: Margret River
Svæði: Vestur Ástralía
Framleiðandi: Palandri
Berjategund: Shiraz
Stærð: 75 cl
Verð: 1390 kr.
Sölustaðir: ÁTVR - Kjarnaverslanir

 

Skínandi hárauður litur með purpuralit í jaðrinum. Ilmur af brómberjum og svörtum pipar, ásamt kryddi og vanillu frá Amerískri eik. Í munni, ríkmannlegt með krydduðum ávöxtum og eik. Góð tannín í eftirbragði.

Palandri Estate Shiraz hentar vel með bragðmiklum mat, t.d. lambi með hvítlauk, rósmarín og ólífuolíu.

-----------------------------
Winemaker´s comments:
Brilliant garnet in colour with glowing purple highlights, this Shiraz has aromas of blackberries and cracked black pepper, with the spicy characters and vanillin accents that result from the use of American oak barrels. On the palate, it is medium-bodied and rich, with spicy, peppery fruit accented by toasty oak. Firm tannins add grip to the finish.

Suggested food:
Hearty, flavourful foods pair well with Shiraz. Black-bean chilli or lamb marinated with garlic, rosemary, and olive oil and grilled medium rare are excellent choices.

Winemaker:
Tony Carapetis

 

 

pizza

Tortillas pizza með hvítlauk og sveppum

Uppskrift fyrir tvo:

2 stk. Santa Maria Wrap Tortilla
3 msk. rauðlaukur, niðurskorinn
1 hvítlauksrif, saxað
100 gr. sveppir, niðurskornir
65 gr. gulrætur, rifnar
1 msk. ferskur kóríander
100 gr. Mozzarella ostur, rifinn
Olía til steikingar

 

Hitið olíu á pönnu við miðlungshita. Steikið laukinn og hvítlaukinn í 1 mín., bætið þá sveppunum og gulrótunum út í og steikið í 2 mín. Takið pönnunna af hellunni og hrærið kóríandernum út í.

Forhitið ofninn í 230°C. Setjið tortillurnar á plötu með bökunarpappír. Bakið í 2 mín., snúið tortillunum við og bakið í 1 mín. til viðbótar. Takið tortillurnar úr ofninum og lækkið hitann í 180°C.

Setjið grænmetið ofan á tortillurnar og stráið síðan ostinum yfir. Bakið í 5 mín., eða þar til osturinn er bráðnaður. Berið fram strax.

Létt

Greipaldin- og avókadósalat með limesnittum

Uppskrift fyrir fjóra:

2 þroskaðir avókadó
2 tsk sítrónusafi
1 stórt greipaldin, afhýtt og skorið gróft
4 jólasalöt (belgískt salat), skolað, laufin aðskilin eða allt saxað gróft
2 tsk sykur

Salatsósa:

Hrærið saman eftirfarandi:

2 msk ólíuolía
½ tsk fljótandi hunang
½ tsk Dijonsinnep
salt og pipar
1 marinn hvítlauksgeiri

 

Skerið avókadó eftir endilöngu, fjarlægið steina og skerið eftir endilöngu í sneiðar og skerið avókadókjötið innan úr eða látið hvern og einn um það. Raðið á diska ásamt jólasalatinu, dreifið greipaldinbitum og ef vill rækjum yfir. Hellið salatsósunni jafnt yfir.

Berið gott brauð, e.t.v. snittubrauð fram með salatinu. Hugmynd: Skerið snittubrauð í langar skáhallar sneiðar, hitið augnablik á pönnu eða í ofni, þar til rétt stökkar og smyrjið sneiðarnar með linu smjöri sem safa úr hálfu lime hefur verið hrært saman við. Skerið út þunnar ræmur úr berkinum og komið 1-2 fyrir ofan á hverri snittu.

Saltfiskur par excellence

Saltfiskur par excellence

Undanfarin ár hefur saltfiskneysla aukist á Íslandi. Þessi eðalafurð hefur verið færð til vegs og virðingar af matreiðslumönnum mörgum hverjum sem útbúa hvern réttinn örðum girnilegri úr saltfiski. Almenningur hefur svo tekið við sér í kjölfarið og er farinn að búa til ólíkustu rétti með saltfisk í aðalhlutverki. Hin frábæra matreiðslubók Seiðandi saltfiskur og þorskréttir þjóðanna lagði einnig sitt af mörkum í að "kynna" möguleika hins frábæra hráefnis sem þorskur er fyrir landsmönnum. En hver er ástæðan fyrir því að saltfiskneysla og þorskneysla alment hefur ekki verið meiri á Íslandi í gegnum tíðina? E.t.v. er hluti af skýringunni sú að alltaf var fyrst og fremst litið á þorskinn sem dýrmæta útflutningsvöru sem væri of "dýrmæt" til eigin neyslu. Ítölum, Frökkum og Spánverjum þykir það mjög skrýtið og nær ótrúlegt þegar þeim er sagt að Íslendingar kjósi yfirleitt ýsu framyfir þorsk. Englendingar hófu fyrstir veiðar við Íslandsstrendur, eða á 15. öld og þar á eftir fylgdu þjóðverjar, Hollendingar og þar næst Frakkar. Þessar þjóðir skildu ekki eftir sig neina hefð sem sagði til um hvernig matreiða skyldi fiskinn. Þær veiddu og fluttu fiskinn strax á burt. Árið 1780 lagast nú staðan aðeins (ekki út frá uppskriftasjónarmiði, heldur að þjóðin var ekki hlunnfarin eins lengur) þegar Íslendingar bindast verslunarbandalagi við Spán og þar með verður útflutningur á saltfiski að lífæð þjóðarinnar sem hún byggir afkomu sína á, allt fram að seinni heimsstyrjöld. Líklega hefur þessi mikla virðing fyrir saltfisknum sem gulls ígildi ollið því að hér skapaðist ekki hefð fyrir saltfiskneyslu. Staðan er hins vegar allt önnur í löndunm þar sem saltfiskur hefur verið fluttur inn öldum saman eins og í Portúgal. Þar eru aðstæður þannig (strönd landsins liggur við úthaf) að ekki er hentugt að stunda veiðar þar að vetri til og því eðlilegt að þar hafi skapast hefð fyrir að salta fisk sem látinn er endast allt árið. Þar, sem og í Frakklandi og á Spáni hefur skapast mikil saltfiskhefð og ógrynni uppskrifta er að finna þar sem saltfiskur kemur við sögu. Öll þessi lönd eru vitanlega miklar matarkistur og mikil ræktun í þeim og því af nógu að taka til að sjóða saman ólíkustu uppskiftir með saltfiski sem og öðru hráefni. Portúgal á þó metið og sagt er að þeir eigi eina saltfiskuppskrift fyrir hvern dag ársins.

Saltfiskur fyrir Eddu og alla hina

Saltfiskur með ólífum, chilipipar og hvítlauk

 

Fyrir 4

Innihald:

800  gr   útvatnaður saltfiskur 
1  dl  ólífuolía 
2  stk  chilipipar, kjarnhreinsaður og skorin í ræmur 
100  gr   svartar ólífur, heilar, steinlausar 
5  stk  hvítlauksgeirar skornir í þunnar sneiðar 
1  msk  paprikuduft 
100  ml   hvítvín 
2  msk  söxuð steinselja 

Aðferð:

1  Skerið saltfiskinn í hæfilega bita og veltið upp úr hveiti. Steikið í vel heitri olíunni í 4-5 mínútur

2  Bætið í vel heita olíunna hvítlauknum og chilipiparnum. Steikið þar
til léttbrúnt og bætið þá í paprikuduftinu og ólífunum. Að síðustu hellið hvítvíninu útí og látið krauma saman, sjóðheitt stutta stund.

3  Látið fiskinn á fat og hellið sósunni yfir. Stráið steinseljunni yfir.  Má setja í ofn rétt áður en rétturinn er borin fram. Þessi réttur er mjög sterkur. Framreiðið með kartöflum og soðnu grænmeti. Einnig gott að framreiða Aioli-sósu með réttinum.

 

Þetta er rauðvínið með lambinu.

Bolla Le Poiane Valpolicella Classico

Tegund: Rauðvín
Land: Ítalía
Hérað: Veneto
Svæði: Valpolicella Classico
Framleiðandi: Fratelli Bolla
Berjategund: Corvina Veronese , Corvinone , Molinara , Rondinella
Stærð: 75 cl
Verð: 1490 kr.
Sölustaðir: Sérverslun ÁTVR Heiðrún og Kringlunni

 

Le Poiane Valpolicella Classico DOC er enginn venjulegur Valpolicella. Vínþrúgurnar koma frá víngörðum á Valpolicella Classico svæðinu, nánar tiltekið í kringum Jago bæinn, en þaðan hafa alltaf bestu vínþrúgurnar í bestu Valpolicella vínin komið og einnig fyrir hið rúsínukennda Amarone. Víngerðin fer ekki eftir föstum reglum; hún fer meira eftir árferði og þrúgugæðum, víngerðarmaðurinn ákveður það hverju sinni.

Le Poiane er gert eftir Ripasso aðferðinni sem er fólgin í því að hýðið frá Amaroneþrúgunum sem notuð eru í samnefnt vín, er sett saman við ógerjaða vínberjasaft og þetta síðan látið gerjast saman. Útkoman er svo kröftugra og bragðmeira vín sem passar sérlega vel með nautasteikum, lambakjöti villibráð og þroskuðum ostum, en ekki síður ljósu kjöti s.s. kjúkling og svínakjöti. Vínið er gott til drykkju núna en getur geymst í 4-5 ár.

Valpolicella Classico Doc Le Poiane 1996 hlaut silfurverðlaun á "Challenge
International Du Vin", í Blaye - Bourg, Frakklandi árið 2000.

 

Fátt betra en lambið.

Ofnsteikt lamb með Saclà-tómötum, ólífum og myntu

fyrir fjóra
4 lambalærisneiðar (ca. 125 g hver)
1 krús Saclà oven roasted tómatar með ólífum
3msk fersk söxuð mynta
1 lítið glas þurrt hvítvín
1 hvítlauksgeiri
jómfrúrólífuolía
rifinn börkur af 1 lífrænni appelsínu
1 msk hrásykur
salt og pipar e. þörfum

 

Skolið olíu af tómötum og ólífum, saxið niður og leggið í rúmgott ílát ásamt myntu, söxuðum hvítlauknum, hvítvíni og rifnum berkinum. Kryddið létt með svörtum pipar. Raðið steikunum í elfast mót og dreyfið helming sósunnar jafn á sneiðar. ÞEkið fatið með álpappír og bakið við 190°C í 25 mín. Fjarlægið álpappír og bakið áfram í 5 mín. Ef þið kjósið kjötið mjög vel steikt, bakið það þá áður örfár mín. til viðbótar með álpappírnum yfir. Komið sneiðunum fyrir á diskum og berið fram með restinni af sósunni og nokkrum ferskum salatlaufum og e.t.v. bökuðum eða steiktum kartöflubátum.

 

 

Undirbúningstími: innan við 15 mínútur

 

Eldunartími: 30 mínútur

Kominn

Þá er ég kominn heim aftur eftir vikudvöl á Spáni var í Torrevieja það var bara gott mál,veðrið var gott en hefði mátt vera meiri sól en þar er líka vetur.Set inn uppskriftir vonandi í kvöld.

mmmm Beikon

Beikon með sírópsgljáa

Uppskrift fyrir fjóra:

12 sneiðar beikon
5 1/2 msk. Maple síróp
1 tsk. Dijon sinnep
1 tsk. púðursykur

 

1. Steikið beikonið á stórri pönnu við miðlungshita. Þegar það er tilbúið, setjið til hliðar, á eldhúspappír.

2. Setjið Maple sírópið, Dijon sinnepið og púðursykurinn í skál og blandið saman. Setjið beikonið aftur á pönnuna, penslið með blöndunni og snúið við. Steikið með gljáðu hliðina niður í ca. 2 mín. við lágan hita. Penslið hliðina sem snýr upp, snúið við og steikið í 2 mín. til viðbótar. Berið fram strax.

 

 

Undirbúningstími: innan við 10 mínútur

 

Eldunartími: ca. 10 mínútur