Chile klykkar ekki.

Chile

Sérstaða Chile í vínheiminum er sú að phylloxera lúsin hefur enn ekki komið þangað. Chile skiptist niður í 6 megin vínræktarsvæði:

• Aconcagua Valley
  Þar er jarðvegurinn blanda af leirsandi og leir og Aconcagua áin sér svæðinu fyrir nægu vatni. Hitinn er venjulega hærri en í Maipo. Þar er einnig mjög mikil birta, en að meðaltali eru þar 270 skýlausir dagar á ári. Þrúgan Cabernet Sauvignon er aðallega ræktuð og þá af einum framleiðanda sem er á svæðinu.
  
• Casablanca Valley
  Er hjarta hvítvínsframleiðslu Chile, 80% af víngörðunum eru plantaðir með Chardonnay. Sjávarloftslag er ráðandi hér, kaldar golur sem kæla niður sumarhitann og hjálpa til við að lengja ræktunartímann. Jarðvegurinn er sá sami og í Aconcagua Valley.
  
• Maipo Valley
  Maipo svæðið er mjög auðugt svæði. Fyrr á öldum þótti það fínt hjá eigendum koparnáma að sýna auð sinn með víngörðum. Frumkvöðullinn að vínframleiðslu í Maipo Valley var Don Silvestre Ochagavia Echazarreta, hann flutti inn vínvið frá Frakklandi 1851, rétt áður en phylloxeran skall á í Evrópu. Jarðvegurinn er frekar grýttur og saltríkur í nágrenni við Maipo ánna en verður sendnari þegar fjær dregur. Cabernet Sauvignon er aðal þrúgan og er mjög mismunandi eftir því hvaðan úr dalnum hún kemur.
  
• Rapel Valley
  Þar er aðallega er framleitt rauðvín og þá úr Merlot og Cabernet Sauvignon. Jarðvegurinn er mjög auðugur af leir, nokkuð sem passar Merlot mjög vel.
  
• Curico Valley
  Þaðan koma flest útflutnings vín Chile og ein bestu Merlot og Cabernet Sauvignon vín Chile. Einnig er mikið framleitt af mjög góðu Chardonnay og Sauvignon Blanc.
  
• Maule Valley
  Er stærsta vínræktarsvæði Chile. Þar eru aðallega framleidd hvítvín. En að öðru leyti er héraðið eitt af þeim minnst þekktu í Chile.

Ricotta Tutti Frutti

250 gr. Galbani Finetta Ricotta ostur
100 gr. jarðarber (eða kirsuber)
2 kiwi ávextir
2 perur
2 tsk. pistasíuhnetur, saxaðar
2 tsk. hunang
Pistasíuhnetur til skrauts
Myntulauf til skrats

 

Setjið ostinn, hunangið og pistachio hneturnar í skál og blandið vel saman. Flysjið kiwi ávextina og perurnar, fjarlægið einnig kjarnann úr perunum. Skolið jarðarberinn. Skerið alla ávextina niður og setjið í miðjuna á tveimur diskum. Setjið ostablönduna í kringum ávaxtahrúguna og skreytið síðan með myntulaufum og pistasíuhnetum.

 

 

Undirbúningstími: 10 til 15 mínútur

 

Eldunartími: enginn

Fljótlegt og gott

Sveitasamlokur

Uppskrift fyrir fjóra:

8 sneiðar af samlokubrauði
250 gr. Galbani Finetta Ricotta ostur
1 laukur, niðursneiddur
1 tómatur, niðursneiddur
Nýrifinn Grana Padano ostur
Salt og pipar

 

Hitið brauðið. Smyrjið Ricotta osti á fjórar brauðsneiðar. Stráið rifnum Grana Padano osti ofan á. Bætið við tómat- og lauksneiðum. Kryddið eftir smekk. Setjið hinar fjórar brauðsneiðarnar ofan á. Berið fram strax.

Pasta og sósur

Hver pastategund hentar ákveðinni sósu betur en annarri, t.d. hentar langt og mjótt pasta vel sósu sem loðir vel við, stutt pasta hentar best með þykkri og matarmikilli sósu og fyllt pasta þarfnast sósu sem myndar heild með fyllingunni.

• Penne
  Hentar vel með þykkum og matarmiklum sósum.
  Tilvalið með kjöti.
  Prófaðu með Sacla Olive & Tomato pastasósu.
  
   
• Tagliatelle
  Hentar vel með mjúkum sósum sem loða vel við.
  Prófaðu með Sacla Tomato & Mascarpone pastasósu.
  
   
• Fusilli
  Hentar vel með þykkum og bragðmiklum sósum.
  Prófaðu með Sacla Whole Cherry Tomato & Roasted Peppers pastasósu.
  
   
• Rigatoni
  Hentar vel með bragðmiklum, sterkum sósum.
  Tilvalið með kjöti.
  Prófaðu með Sacla Whole Cherry Tomato & Red Chilli pastasósu eða Sacla Olive & Smoked Garlic pastasósu.
  
   
• Trofie
  Hentar vel með mjúkum, léttum sósum, fínlegum bragðtegundum.
  Prófaðu með Sacla Classic pesto (samkvæmt venju borið fram með kartöflum og grænum baunum).
  
   
• Farfalle
  Hentar vel með þykkum og matarmiklum sósum, djörfum bragðtegundum.
  Prófaðu með Sacla Whole Cherry Tomatoes & Basil pastasósu.
  

Vont veður.

Það er ekkert smá veður núna,þrumur og eldingarég er hræddur um að rafmagnið fari en þá er bara rómó með kertum.Ég held að það sé núna í hámarki,svo vonandi fer hann að dúra,það lyggur við að ég segi að ég er feginn að vera heima en ekki út á sjó.Það er líka ferlegt með fólkið í flugvélonum að komast ekki úr þeim inn í flugstöð.Dóttir mín var að hringja og segja frá því að tré hafi brotnað og lagst að húsinu í næsta garði.Það eru mörg ár síðan ég hef lent í svona veðri.

Það er líka ræktað í USA

Bandaríkin

Vínviður hefur verið til staðar í Bandaríkjunum frá því löngu áður en Leifur heppni kom þangað og það var ekki að ástæðulausu sem hann kallaði landið Vínland. Þó svo að vínframleiðsla hafi verið þar síðan 1564 og mjög mikil vínframleiðsla á 19. öld, þá varð hún ekki til í þeirri mynd sem hún er í dag fyrr en um 1970. Á milli 1920 og 1933 var öll vínframleiðsla og vínsala í Bandaríkjunum bönnuð og hafði það mjög mikil áhrif á framleiðsluna þar. Því þó svo að vínframleiðsla hafi verið bönnuð mátti áfram rækta vínber og rúsínu- og vínberjaræktun var í hávegum höfð. En þar sem fæstar vínþrúgur sem ætlaðar eru til vínframleiðslu eru mjög góðar til átu, var vínviðnum skipt út fyrir vínvið sem var betur til þess fallinn að rækta ætisþrúgur. Enn þann dag í dag er mjög stór hluti af bestu svæðunum í Kaliforníu undirlagður af vínviði sem gefur af sér vínber til átu.

Einhver vínframleiðsla er í öllum ríkjum Bandaríkjanna, nema Alaska, en hér verður eingöngu minnst á þau mikilvægustu. Vínmarkaðurinn í Kaliforníu er mjög litríkur og er í tísku að eiga vínfyrirtæki þar. Það er mjög algengt að sjá nöfn leikara, leikstjóra og annarra þekktra persóna sem framleiðendur eða eigendur vínfyrirtækja. Hér eru vínin aðallega framleidd sem einnar þrúgu vín, þ.e. vín sem eru framleidd aðallega úr Cabernet Sauvignon, Chardonnay og fleiri heimsþekktum vínþrúgum.

• Kalifornía er eflaust mikilvægasta og þekktasta vínræktarhérað Bandaríkjanna. Hægt væri að telja Kaliforníu upp sem eitt af helstu vínframleiðslulöndum heims, ef Kalifornía væri land. Þar hefur vínræktin blómstrað síðan hún varð svona vinsæl undir lok sjöunda áratugarins. Hvergi er jafn mikið af þekktum vínframleiðendum. Kalifornia er í rauninni í 6. sæti yfir vínframleiðslu í heiminum hvað magn varðar. Vínsvæði Kaliforníu eru eftirfarandi; Mendocino County, Sonoma og Napa Valley sem skiptast síðan í undirsvæði.
  
• Önnur vínræktunarsvæði Ameríku eru fylkin Oregon, Washington og New York, Mexíko og Kanada.
  
• Mexíkó er elsta vínræktunarsvæði Norður- Ameríku.

Dögurður - Morgunmatur og hádegismatur í eina sæng

Sú máltíð sem kemur fyrst upp í hugann ef nefna á heimalagaða máltíð, er án efa kvöldmaturinn. Þó býður fyrsta máltíð dagsins, morgunmaturinn eða brunch, upp á alveg jafn skemmtileg tækifæri í framleiðslu, ásamt því að vera holl og góð byrjun á deginum.

Svo mörg okkar eru á sífelldum þönum á morgnana að þessi stund, morgunmaturinn, hefur átt undir högg að sækja. En framreiðsla morgunmatarins þarf alls ekki að vera tímafrek. Það tekur stutta stund að laga kaffi- eða tebolla, laga eggjahræru, rista brauð og skera niður ávexti. Einnig tekur heldur ekki langan tíma að hita kakóbolla og afþýða múffu sem bökuð var um helgina og geymd í frysti.

Þegar morgunmatnum er frestað svo hann gengur í eina sæng með hádegismatnum, hlýtur útkoman nafnið brunch sem er samansett úr orðunum breakfast og lunch. Þessi skemmtilega máltíð leit fyrst dagsins ljós á Englandi seint á 19 öld, en varð svo feikivinsæl í Bandaríkjunum upp úr 1930. Dögurður er íslenska nafnið yfir brunch.

Brunch (eða dögurður) getur verið auðveld eða flókin máltíð, allt eftir efni og aðstæðum, og má til að mynda bera fram dögurð sem létta máltíð fyrir einn eða tvo, sem og bjóða upp á dögururðarhlaðborð fyrir hópa.

Veljið matseðilin með góðum fyrirvara og hafið hann einfaldan. Ef ekki gefst tími til baksturs, bjóðið þá upp á brauðmeti úr bakaríinu. Það kemur t.d. byrjendum vel því þá gefst meiri tími til að einbeita sér að þeim réttum sem á að útbúa í eldhúsinu heima.

Í fyrstu er ágætt að halda sig frá flóknum eggjaréttum, eins og t.d. Eggs Benedict, og jafnvel útbúa bara eggjarétti sem má gera deginum áður, t.d. ýmisskonar tortillur og frittatas.

Ásamt kaffi, te og ávaxtasafa, tíðkast að bjóða upp á hvítvín, kampavín og eða kokteila, eins og t.d. Mimosa eða könnu af Bloody Mary, með matnum.

Æfingin skapar meistarann, og með tímanum er hægt að útbúa sífellt margbrotnari rétti fyrir fleiri gesti.

Ástralía

Ástralía skiptist niður í 5 megin vínæktarsvæði:

• Vestur Ástralía (svæðið í kringum Perth), sem skiptist niður í Margaret River, Perth Hills og Swan Valley. Vínframleiðslan í Vestur Ástralíu er mjög lítil en það sem vantar í magni er bætt upp með gæðum. Vínrækt í Vestur Ástralíu byrjaði snemma á 20. öldinni í Swan Valley. Margaret River er eflaust þekktasta svæðið í Vestur Ástralíu, þó svo að vínframleiðsla hafi ekki byrjað þar fyrr en á 7. áratuginum þegar rannsóknir sýndu að jarðvegi og veðurfari svipaði mjög til þess sem gerist í Bordeaux.
  
• Suður Ástralía (svæðið í kringum Adelaide), sem skiptist niður í Clare, McLaren Vale, Coonawarra, Barossa/Eden Valley og Riverland. Vínrækt í Suður Ástralíu byrjaði í Adelaide Hills og enn þann dag í dag er hluti af fyrsta víngarðinum til, en hann ber nafnið Chateau Reynella. Barossa Valley er eflaust þekktasta vínræktarsvæði Ástralíu á eftir Coonawarra, dalurinn var fyrst byggður af Þjóðverjum og gætir áhrifa þeirra enn þar. Saman eru Barossa og Coonawarra þekktustu vínræktarhéruð Ástrala. Einhverja af elstu vínviðum Ástralíu eru að finna í Barossa, um 100 ára gamla Shiraz og Grenache. Í McLaren Vale eru einhver af elstu starfandi vínhúsunum, t.d. eru höfuðstöðvar Hardy's að Chateau Reynella. Best verða vínin sem gerð eru úr Rhônardals þrúgum, en einnig verður Cabernet Sauvignon mjög gott hér. Coonawarra er eflaust mest umtalaða hérað Ástralíu, vegna terra rossa jarðvegarins sem er þar og gefur af sér frábær Cabernet Sauvignon vín.
  
• Nýja Suður Wales (svæðið í kringum Sydney og Canberra), sem skiptist niður í Hunter Valley (Upper & Lower) og Mudgee. Hunterdalurinn er mjög heitur en kólnar verulega um kvöld og nætur, einnig er mjög óstöðug rigning þar fyrir vínframleiðslu, það rignir þegar ekki á að rigna. Hér njóta Shiraz og Sémillon sín best, en Cabernet Sauvignon og Chardonnay koma fast á hæla þeirra. Skiptingin á Hunter Valley er þannig að í Upper er aðallega plantað hvítvínsþrúgum og rauðvínsþrúgum í Lower. Vínræktinni og víngerðinni í Mudgee svipar mjög til þess hvernig hún er í Hunter Valley nema það, að vínin verða feitari og með meiri fyllingu og vínþrúgurnar ná meiri þroska í Mudgee.
  
• Victoria (svæðið í kringum Melbourne), sem skiptist niður í Yarra Valley og Mornington Peninsula. Auður Victoria er byggður á gulli, þar voru miklar gullnámur. Það voru Svisslendingar sem byrjuðu að framleiða vín á þessu svæði. Victoria er meðal köldustu svæða Ástralíu, þar af leiðandi njóta Búrgúndí þrúgur sín mjög vel, þ.e. Chardonnay og Pinot Noir. Einnig nýtur Sauvignon Blanc sín mjög vel hér, Cabernet Sauvignon og Shiraz geta gert vel og Merlot á góða framtíð hér. Einnig er Victoria heimahérað freyðivínsframleiðslu í Ástralíu.
  
• Tasmania (eyja með sama nafni fyrir sunnan Melbourne). Fyrir utan Queensland er Tasmania minnsta vínræktarsvæði Ástralíu. Fyrsti víngarðurinn var gróðursettur á milli 1820 og 1830 og voru vínviðir þaðan notaðir til að koma á vínframleiðslu bæði í Suður Ástralíu og Victoriu. Það sem hefur staðið Tasmaniu mest fyrir þrifum er hversu kalt getur orðið þar. Þegar víngerð komst í blóma í Suður Ástralíu og Victoriu datt hún niður í Tasmaniu. Fyrsti nútíma víngarðurinn var gróðursettur á milli 1950 og 1960 og í dag eru um 50 vínfyrirtæki staðsett þar.

Þetta er snild

Humarforréttur á þrjá vegu

fyrir fjóra

1.Humar carpaccio með fennelvinaigrette:

8 stórir humarhalar í skel
1 fennelrót
1 sítróna
½ dl jómfrúarolía (t.d. Carapelli)
½ búnt dill
sjávarsalt
svartur pipar

2. Öfugt humar ballontine:


10 stórir humarhalar í skel
2 egg
1 dl rjómi
1 sítróna
½ dós sýrður rjómi
2 msk. hunang
handfylli hökkuð fersk steinselja
handfylli hakkaður ferskur graslaukur
handfylli hakkað ferskt fáfnisgras (estragon)
sjávarsalt
svartur pipar

3. Humar rísottó

Humarsoð:

Skel af 18 humarhölum
½ flaska hvítvín
1 stk. anísstjarna
5 piparkorn
1 lárviðarlauf
1 tsk. fennelfræ
1 laukur
2 gulrætur
½ blaðlaukur
1 msk. tómatpúrra
stilkar af kryddjurtum

Rísottó:

1 dl. rísottó hrísgrjón (Arborio eða Carnaroli frá Riso Gallo)
3 skalotlaukar
1 hvítlauksgeiri
1 sítróna
Jómfrúrólífuolía (t.d. Carapelli)
2 dl. hvítvín
200 gr. rifinn parmesanostur (Galbani)
1 dl. rjómi
1 dl. léttþeyttur rjómi
Sjávarsalt
Pipar

 

1.Humar carpaccio með fennelvinaigrette:

Pillið skelina af humrinum og geymið. Skerið humarinn örþunnt á disk. Skerið fennelinn í örlitla teninga, afhýðið sítrónu og kreistið safann yfir fennelbitana og hellið olíunni rólega yfir og pískið. Smakkið til með salti og pipar, setjið ca. matskeið yfir humarinn áður enn framreitt er.

Öfugt humar ballontine:

Pillið skelina og geymið. Maukið 7 humarhala í matvinnsluvél ásamt rjómanum og eggjunum. Smakkið farsið til með salti pipar og örlitlum sítrónusafa og setjið í sprautupoka. Veltið 3 humarhölum uppúr kryddjurtunum og kryddið með salti og pipar. Sprautið tveim þumlungsþykkum röndum á plastfilmu, leggið heilu humarhalana ofaná og sprautið öðrum tveim röndum af farsi ofaná. Rúlllið plasfilmunni þétt saman og snúið uppá í pylsu og bindið þétt fyrir endana. Eldið í gufuofni í 8 mínútur eða varlega í vatni við suðumark. Kælið áður en skorið er í bita. Hrærið saman hunangi, sítrónusafa, salti og sýrðan rjóma og berið fram með ballontininu

3. Humar rísottó

Humarsoð:


Svitið allt grænmeti með humarskelinni og kryddum, hellið hvítvíninu yfir og sjóðið niður um helming eða í um 20 mín, sigtið í gegnum fínt sigti og bætið örlitlu vatni við og látið sjóða í aðrar 30 mín. Geymið humarsoðið á hellunni.

Rísottó:

Saxið laukinn smátt og merjið hvílaukinn varlega, svitið á pönnnu með olíunni og bætið grjónunum við. Hellið hvítvíninu útá og sjóðið í um 5 mín. bætið humarsoði og rjómanum varlega við í skömmtum þannig að það haldist suða. Í lokin er parmesanosti bætt við, smakkað til með salti, pipar og sítrónusafa og léttþeyttum rjóma til að risottóið renni rólega út á diskinum.

*Einnig má vitanlega útbúa réttina í sitthvoru lagi sem forrétti eða smárétti. Risottóið er þá einnig tilvalinn aðalréttur fyrir tvo. 

Væri ekki betra að hafa það sem sannara er Berþór

Gæslan og gæðingarnir

Bergþór Gunnlaugsson

Bergþór Gunnlaugsson, yfirstýrimaður og afleysingarskipstjóri Hrafni GK 111 skrifar:

Ein mesta niðurlæging sem ég hef orðið fyrir á mínum sjómannsferli var þegar ég heyrði í fréttum, kvöldið 5.febrúar 2008 að þyrla landhelgisgæslunnar hafi verið send til að leita að hrossum austur í sveitum.

Það getur gengið að segja fólki á mölinni að hrossin hafi verið í sjálfheldu, en hvað þá að kalla út þyrlu þeim til bjargar. Það er greinilegt á þessum viðbrögðum LHG, með tilliti til þarfar fyrir þyrluaðstoð að hross eru tekin fram yfir sjómenn.!!

Þetta er náttúrulega svívirðileg framkoma við sjómenn og virðingarleysi við störf okkar til sjós.

Skipverji hér um borð á Hrafni GK 111, lenti í vinnuslysi þann 10. janúar sl. Maðurinn missti framan af litlafingri hægrihandar og stór skaddaði baugfingur sömu handar. Tók í sundur tvær sinar á vísifingri vinstri handar.

Haft var samband við vaktstöð siglinga og óskað eftir þyrlu til að koma manninum undir læknishendur. Því var synjað í tvígang að senda þyrlu á staðinn.

Við sigldum með manninn í 6 tíma til Fáskrúðsfjarðar. Við komu þangað leit læknir á áverka mannsins, hann er keyrður beint upp á Hérað í sjúkraflug til Akureyrar. Aðgerð á hinum slasaða lauk 14 tímum eftir slysið.

Við sjómenn erum mjög oft að lenda í því að okkur er synjað um þyrlu. Hef ég í það minnsta tvö dæmi um slíkt.

Í fyrravor slasaðist maður um borð í frystiskipi sem var statt á úthafskarfamiðum SV af landinu. Maðurinn klemmdist og missti fingur. Beiðni um þyrlu var synjað og þeim sagt að sigla með hinn slasaða í land.

Nú tæpu ári seinna er þessi maður ekki enn kominn til vinnu sökum þessa slyss. Hann hlaut svo heiftarlega sýkingu í sárið. Að mati lækna þá leið svo langur tími frá slysinu þar til hann komst undir læknishendur að því fór sem fór.

Maður slasaðist um borð á ísfisktogara SV af landinu á svokölluðum Melsekk. Hann hlaut höfuðáverka. Það blæddi úr öllum vitum mannsins.
Þeim var synjað um þyrlu. Þeir sigldu í land. Maðurinn var höfuðkúpubrotinn.

Fyrir nokkrum árum fór fram þjóðarátak til að kaupa stærri þyrlu sem stæðist kröfur til að bjarga áhafnarfjölda meðal fiskiskips. Sjómenn lögðu mikið af mörkum til að þessi árangur næðist. Það var síðan annað átak til að kaupa nætursjónauka til að auðvelda björgun í myrkri.

Ég stóð alltaf í þeirri meiningu að þyrlan væri okkar sjúkrabíll til sjós, sem væri hægt að leita til ef slys eða veikindi kæmu upp.

Að hafa þyrlu væri ákveðin trygging og öryggi fyrir okkur sem störfum svo langt frá allri þjónustu og erum lengi að komast í land ef eitthvað hendir.
Það er mín skoðun að þetta er falskt öryggi þegar á reynir og því virðist á öllu að betra sé að vera gæðingur í dag en sjómaður !!

Fyrir vikið, eins og staðan er í dag þá er betra að hafa enga þyrlu og vita það hreinlega að maður verði þá bara að duga eða drepast ef eitthvað hendir.

Svo er eitt athygli vert. Hagsmunasamtök sjómanna virðist vera nákvæmlega sama um stöðu umbjóðanda sinna með tómlæti hvað þetta varðar.

Spurningar mínar eru:
Hvað mörgum útköllum til sjómanna hafi verið synjað og forsendur synjunar?

Einnig kannað hvert einasta flug þyrlana, tilgang þeirra og hverjir óski eftir aðstoðinni?

Hér með óska ég eftir opinberri úttekt á starfsháttum LHG varðandi sjúkraflug.

Var þyrlan ekki á æfingu?

Var það ekki læknasérfræðingur sem lagði það til að það skildi ekki senda þyrlu á staðinn það væri verra fyrir sjúklinginn.