Svínalundir með villisveppasósu

Undirbúningur og eldun: 45 mín Fyrir 4   800-1000g ferskar svínalundir salt og pipar olía til steikingar ½ laukur, saxaður 25g þurrkaðir villisveppir 100g ferskir sveppir 1,5 dl rjómi 3 dl kjötsoð, eða vatn og teningar 3 msk þurrt sherry 50g smjör 1 msk maisenamjöl og 2 msk vatn sósulitur   Matreiðsla Skerið svínalundirnar í 100g bita og setjið upp á endann og berjið létt með buffhamri þannig að steikurnar verði nokkurnveginn 2 cm á þykkt. Brúnið steikurnar á pönnu upp úr olíu og kryddið með salti og pipar. Setjið á ofnskúffu og steikið í ofni við 160 c í 15 mín.   Sósan Bleytið villisveppina upp í 2 dl af heitu vatni í 5 mín, veiðið síðan sveppina upp og saxið gróft. Skerið fersku sveppina í fernt og steikið í smjörinu ásamt lauknum í nokkrar mínútur, bætið villisveppunum á og veltið saman. Bætið á soðinu, sherry og rjóma og sjóðið í nokkrar mínútur. Leysið maisenamjölið upp í köldu vatni og hellið í sjóðandi sósuna til að þykkja, hrærið í á meðan þannig að sósan kekkist ekki. Síið vatnið sem villisveppirnir voru bleyttir upp í með fínu sigti eða í gegn um dúk, þannig að sandurinn, sem alltaf fylgir villisveppum, verði eftir. Setjið safann á pönnu og sjóðið þar til ½ dl af vökva er eftir, bætið út í sósuna. Smakkið sósuna til með salti, pipar og etv. Kjötkrafti.   Framreiðsla Berið fram með soðnum smjörsteiktum kartöflum og snöggsoðnu blönduðu grænmeti.

Heitt "roast beef" á baunum og beikoni

 

Undirbúningur og eldun: 1 klst og 20 mín
Fyrir 4

1 kg vel hangið og fitusprengt nautafillet
olía til steikingar
salt og pipar
8 sneiðar beikon
5 skalotlaukar, afhýddir
200g sveppir, skornir í tvennt
200g haricots baunir, gróft skornar
½ tsk timjan
4 dl nautakjötsoð, eða vatn og teningar
1 dl rjómi
½ tsk enskt sinnep (hægt er að nota aðrar tegundir af sinnepi)
sósujafnari
smjör til steikingar

Matreiðsla
Brúnið kjötið á pönnu í smá olíu, kryddið með salti og pipar úr kvörn. setjið á ofngrind og leggið 2 beikonsneiðar ofan á kjötið. Setjið í 120 c heitan ofn og steikið í 45 mín eða þar til kjarnhiti hefur náð 58 c. Takið þá steikina út úr ofninum og látið standa á grindinni í 20 mín undir stykki (alls ekki álpappír).

Sósa
Skerið beikonið í bita og steikið á þurri pönnu, með laukunum, uns brúnað. Bætið smjörinu á og steikið sveppina áfram með beikoninu og laukunum. Bætið að lokum baununum í ásamt soðinu, thimian og rjómanum, þykkið með sósujafnara og bætið sinnepinu í allra síðast.

Framreiðsla
Skerið kjötið í sneiðar og raðið á fat og berið fram með sósunni og soðnum kartöflum.

Annað
Mjög gott er líka fyrir þá sem eru hrifnir af hvítlauk að nota 1 hvítlauksgeira fínt saxaðan í sósuna.

Grilluð keila með coriander pesto og sítrónugrassósu

 

Fyrir 4

Innihald:

4x120 gr keilustykki
salt og svartur pipar úr kvörn
ólífuolía til penslunar

coriander pesto:

1  búnt  ferskt coriander 
1  búnt  steinselja 
100  gr  furuhnetur 
1  tsk  sítrónusafi 
1   msk  balsamico edik 
salt og svartur pipar úr kvörn
75 ml ólífuolía

sítrónugrassósa:

2  stk  sítrónugras (lemongrass) -má nota niðursoðið 
50  gr  saxaður charlottulaukur 
100  ml  hvítvín 
1  tsk  turmeric 
100  ml  fisksoð 
100  ml  rjómi 
2  msk  ólífuolía 
2  msk  smjör 

Meðlæti:
Soðnar kartöflur og salat

Aðferð:

Kryddið keiluna með salti og pipar og penslið með ólífuolíu. Grillið á vel heitu grilli í 1-2 mínútur á hvorri hlið.

Pesto:
Blandið öllu saman í matvinnsluvél og látið snúast í nokkra hringi. Setjið ofaná keiluna og bregðið stutta stund undir vel heitt grill.

Sósa:
Skerið sítrónugrasið í litla bita og svitið í heitri olíunni ásamt lauk.
Kryddið til með turmeric, salti og pipar. Hellið hvítvíni og fisksoði í
pottinn og látið sjóða niður um 2/3. Setjið rjómann í og sjóðið aftur niður um helming. Hrærið köldu smjörinu saman við og látið ekki sjóða eftir það.

 

Lindor frómas

3 eggjarauður
75 gr. sykur
1 dl. Wild African Cream (má sleppa eða nota sterkt kaffi með örlitlum sykri)
5 dl. rjómi, þeyttur
6 matarlímsblöð
10-12 stk. bláar Lindor súkkulaðikúlur, grófsaxaðar

Leggið matarlímsblöðin í bleyti í kalt vatn í 10 mínútur. Þeytið eggjarauðurnar og sykurinn vel saman. Bræðið matarlímsblöðin yfir vatnsbaði. Bætið líkjörnum saman við og hellið vökvanum varlega út í eggjamassann. Blandið þeytta rjómanum arlega saman við. Bætið að lokum grófsöxuðu Lindor kúlunum saman við. Hellið þessu síðan í skál og látið stífna í kæli. Skreytið með Lindor kúlum eða ávöxtum og rjóma.

VIÐ UNNUM

Óska öllum Íslendingum til hamingju með sigurinn yfir SPÁNVERJUM!!!!!!!!!!!!!!!!!!!!!!!!!!!!!1

Sjávarrétta Chow Mein með steiktum núðlum

Uppskrift fyrir tvo til þrjá:

100 gr. smokkfiskur
3-4 stk. skelfiskur
50-85 gr. rækjur
250 gr. Amoy Egg Noodles
2 msk. Amoy Light Soy Sauce
1 tsk. Amoy Sesame Oil
100 gr. strengjabaunir
1-2 vorlaukar, fínt skornir
1/2 eggjahvíta, létt þeytt
2 msk. hrísgrjónavín
1 tsk. salt
1 tsk. sykur
2 tsk. maísenamjöl hrært út með 1 msk. vatni
5-6 msk. olía

Hreinsið smokkfiskinn, skerið í hann krosslaga mynstur að innanverðu og skerið síðan í bita á stærð við frímerki. Setjið í pott með sjóðandi vatni. Fjarlægið bitana úr vatninu þegar þeir verða hvítir og hafa rúllast upp, skolið undir köldu vatni og látið vökvann renna af. Skerið hvern skelfisk í 3-4 bita. Afþýðið rækjurnar og skerið í 2-3 bita hverja ef þær eru stórar. Hrærið saman eggjahvítu og maísenamjölsblöndu og setjið fiskinn út í. Sjóðið núðlurnar í ca. 3-4 mín. og setjið í sigti. Látið renna á þær kalt vatn, og hrærið 1 msk. af olíu saman við. Hitið um 2-3 msk. af olíu á forhitaðri pönnu, bætið út í baununum og sjávarréttunum og steikið í 2 mín. Setjið salt, sykur, sojasósu, vín og helminginn af vorlauknum, hrærið áfram í u.þ.b. mínútu. Fjarlægið hræruna af pönnunni og geymið. Hitið afganginn af olíunni, bætið við núðlunum og helmingnum af hrærunni. Steikið í 2-3 mín. og sejtið á stóran disk. Hellið afganginum af hrærunni ofan á núðlurnar og skreytið með vorlauk og sesam olíu.

Berið fram með Amoy Chili sósu.

Sígildur réttur frá Canton héraðinu í suðurhluta Kína. Þar sem Canton var fyrsta höfnin í Kína sem opnaðist fyrir erlendum viðskiptum, gætir þar mikils fjölbreytileika í matargerð.

Svart tagliatelle með humri og risarækju

Fyrir 4

20 stk. humarhalar, skelflettir að sporði
20 stk. risarækjur, skelflettar að sporði
4 msk. ólífuolía til steikingar
salt og pipar úr kvörn
375 g tagliatelle (t.d. svart)
1-2 msk. ólífuolía í suðuvatnið

Estragonrjómasósa
100 g skalotlaukur
1 tsk. karrý, sléttfull
3 msk. ólífuolía
1 dl hvítvín, óáfengt
4 dl humarsúpa
2 dl rjómi
4 msk. estragon, ferskt (eða 2 msk. þurrkað

 

Parmaskinkuvafðar kjúklingabringur

 

Uppskrift fyrir fjóra:

4 kjúklingabringur, skornar í ca. 2 cm. þykkar lengjur

 

1 bréf Fiorucci Parmaskinka

 

15 ml. ólífuolía, t.d. frá Carapelli

 

Nýmalaður svartur pipar

 

 

Forhitið ofninn í 190°C. Skerið Parmaskinkusneiðarnar í tvennt langsum og vefjið þeim utan um kjúklinginn. Setjið kjúklinginn síðan á ofnplötu, burstið með ólífuolíu og kryddið eftir smekk. Setjið í ofninn og eldið í ca. 15 til 20 mín., eða þar til kjúklingurinn er steiktur í gegn. Berið fram strax.

 

Kjúklingabringur með Mozzarella og sólþurrkuðum tómötum

Uppskrift fyrir fjóra:

4 kjúklingabringur
1/2 krukka Sacla L´Antipasto sólþurrkaðir tómatar
4 sneiðar Galbani Mozzarella ostur
Basillauf
1 tsk. ólífuolía
Salt og pipar

 

Hitið olíuna á pönnu. Kryddið kjúklingabringurnar eftir smekk og steikið á pönnunni. Færið kjúklinginn af pönnunni og setjið sólþurrkaða tómata ofan á hverja bringu. Bætið síðan Mozzarella ostsneið ofan á ásamt basillaufi. Setjið kjúklinginn aftur á pönnuna, látið lokið á, og steikið þar til osturinn er bráðnaður. Berið fram strax.

Ofnbakaðar Dijon kjúklingabringur

Uppskrift fyrir fjóra:

4 kjúklingabringur
1/3 bolli brauðmylsna
1 msk. rifinn Galbani Parmesan ostur
1/2 tsk. tímían
1/4 tsk. pipar
1 msk. Dijon sinnep
1 msk. majones

 

1. Setjið brauðmylsnuna, Parmesan ostinn, tímían og pipar í grunna skál og blandið vel saman.

2. Blandið saman sinnepinu og majonesinu og penslið kjúklingabringurnar með blöndunni. Veltið þeim síðan upp úr brauðmylsnublöndunni.

3. Setjið kjúklingabringurnar í eldfast mót og bakið við 190°C. í 45 mín., eða þar til steiktar í gegn.