Steiktar svartfuglsbringur

 

 

Bringur af 4 svartfuglum
2 msk. maísolía
Salt og pipar

Sósan

4 cl. portvín
1 ½ dl. svartfuglssoð
2 dl. rjómi
2 msk. rifsber, frosin
Salt og pipar

Úrbeinið bringurnar og fjarlægið af þeim himnuna. Hitið olíuna á pönnu, steikið bringurnar við góðan hita í 4 mín. hvorum megin og kryddið með salti og pipar.

Takið þær af pönnunni og haldið þeim heitum. Hellið portvíninu á pönnunna og leysið upp steikarskófina. Bætið síðan svartfuglssoðinu við ásamt rjómanum og sjóðið þetta saman í 2 mín. Setjið síðan rifsberjahlaup og rifsber út í, og látið það sjóða með í 1 mín.

Bragðið á sósunni og kryddið með salti og pipar eins og þurfa þykir. Hellið sósunni á diskana og setjið bringurnar ofan á, annaðhvort heilar eða skornar á ská í fallegar sneiðar.

Athugasemdir

[Hólmdís Hjartardóttir, 6.11.2008 kl. 22:16]

Elska svartfugl.........nota gjarnan gráðost í sósuna

[Hallgerður Pétursdóttir (IP-tala skráð) 7.11.2008 kl. 18:20]

Takk fyrir þetta hér er alltaf til svartfugl og étin ca einu sinni í mánuði.

[Rúna Guðfinnsdóttir, 8.11.2008 kl. 14:15]

Ég hef aldrei borðað svartfugl, en maður veit aldrei.

Góða helgi.

[Guðrún Þóra Hjaltadóttir, 8.11.2008 kl. 21:43]

Hvar fæ ég svartfugl núna ?

[Guðjón H Finnbogason, 9.11.2008 kl. 00:16]

Sælar frúr Svartfuglinn er alltaf góður hann er hægt að fá í Fiskbúðum svona yfirleitt.

[Vala Dögg (IP-tala skráð) 11.11.2008 kl. 09:39]

Hvað væri gott meðlæti með þessu ?

[Guðjón H Finnbogason, 11.11.2008 kl. 15:50]

Sælar.Ég held að það sé ekki erfitt að fá svartfugl.Þegar ég elda svartfugl þá nota ég bara bringurnar léttsteiki þær og krydda bara með svörtum pipar ný muldnum læt þær standa í smá stund meðan annað er sett á diskinn,með þessu er hægt að smjörsteikja rótargrænmeti,baka kartöflu og skræla hana svo og stappa saman í örlitlu smjöri og rjóma og nokkrum piparkornum Rauðvínssósa er góð með þessu,en ekki nota villibráðakrydd það gefur ekki gott bragð.