Cointreau crépes með vanilluís

 

Um 17 til 20 crépes:

 

Crépes:

2 stór egg

3/4 bolli mjólk

1/2 bolli vatn

1 bolli hveiti

3 msk. bráðið smjör

2 1/2 msk. sykur

1 tsk. vanilludropar

2 msk. Cointreau

Smjör til steikingar

 

Cointreau blanda:

(fyrir fjóra)

230 gr. mjúkt smjör

4 msk. sykur

12 cl. Cointreau

 

Meðlæti:

Vanilluís

 

Crépes:

Setjið allt innihaldið í skál og blandið vel saman. Setjið deigið síðan í ísskáp í 1 klst. Með því sjatna loftbólurnar í deiginu sem gerir það að verkum að það er minni hætta á að crépes-kökurnar rifni við steikinguna. Hægt er að geyma deigið í allt að 48 klst.

 

Hitið smjör á pönnu. Ausið smá deigi á miðju pönnunnar og hallið henni til og frá svo deigið dreifist jafnt. Steikið í 30 sek. og snúið crépes-kökunni svo við og steikið á hinni hliðinni í 10 sek. Setjið svo tilbúna crépes-kökuna til hliðar, alveg flata svo hún nái að kólna. Haldið áfram þar til allt deigið er búið.

 

Því næst brjótið crépes-kökurnar til helminga, tvisvar, svo hver kaka sé í laginu eins og þríhyrningur.

 

Cointreau blanda:

Hitið helmingin af smjörinu á pönnu við miðlungshita. Þegar smjörið byrjar að "freyða", fjarlægið pönnuna af hellunni og bætið 6 cl. af Cointreau og 2 msk. af sykri út á. (Fjarlægið alltaf pönnuna af hellunni áður en áfengi er bætt út á.) Notið tengur til að setja crépes-kökurnar út á pönnuna, steikið á báðum hliðum. Bætið afgangnum af smjörinu, sykrinum og Cointreau út á pönnuna eftir þörfum.

 

Takið til fjóra diska, leggið crépes-köku á hvern disk og setjið vanilluís ofan á. Hellið afgangnum af Cointreau blöndunni af pönnunni yfir vanilluísinn. Berið fram strax.

 

Athugasemdir

[Haraldur Arngrímsson (IP-tala skráð) 21.9.2008 kl. 21:22]

Flott uppskrift hjá þér Guðjón - en ég hefði hefði sleppt hluta af sykrinum í Cointreau blöndunni, vegna þess að líkjörinn er alveg nægjanlega sætur - og ég hefði frekar reynt að styrkja "citrus"- bragðið örlítið með td. rifnum berki af sítrónu, appelsínu  eða lime.  Þar að auki myndi mér ekki detta annað í hug en að "flambera" svona góðar kræsingar...  Prófaðu það.

Kveðja frá matreiðslumeistara, tónlistarkennara, tannlækni og sælkera...

[Rúna Guðfinnsdóttir, 22.9.2008 kl. 08:51]

Þetta er svei mér girnilegt.

[Líney, 23.9.2008 kl. 20:52]

namm ég   hef matarást á þér